Oxford Jesus College MS. 111 (The Red Book of Hergest) – page 194r
Geraint
194r
784
1
hynny yny yttoed y glot yn ehedec dros
2
wyneb y deyrnas. a threigylgweith yd oed
3
arthur yn dala ỻys yg|kaer ỻion ar wysc y
4
sulgỽyn. nachaf yn|dyuot attaỽ kennadeu
5
doethprud. dyscediclaỽn ymadraỽdlym ac
6
yn kyuarch ˄gỽeỻ y arthur. Duỽ a|rodho da
7
yỽch heb·yr arthur a|gressaỽ duỽ ỽrthywch.
8
ac o pa|le pan deuwch chỽ*. Pan|deuỽn ar+
9
glỽyd heb ỽy o gernyỽ. a chennadeu ym ni
10
y|gan erbin uab custennin dy ewythyr di.
11
Ac attat y mae yn kennadỽri. a|th|annerch
12
y ganthaỽ. mal y|dyly ewythyr annerch y
13
nei. ac ual y dyly gỽr annerch y arglỽyd.
14
Ac y uenegi ytti y uot ef yn amdrymmu ac
15
yn|ỻescu ac yn dynessau ar heneint. a|e gyt+
16
tirogyon o wybot hynny yn camderwynnu
17
ỽrthaỽ. ac yn chwennychu y dir a|e gyuoeth.
18
Ac yn|adolỽc y mae yti arglỽyd eỻỽng gere+
19
int y uab attaỽ y gadỽ y gyuoeth ac y wybot
20
y deruyneu. a menegi y mae idaỽ bot yn
21
weỻ idaỽ treulaỽ blodeu y Jeuenctit a|e deỽr+
22
ed yn kynnal y deruyneu e|hun. noc yn tỽr+
23
neimeint diffrỽyth kyt caffo clot yndunt.
24
Je heb·yr arthur eỽch y ymdiarchenu. a
25
chymerỽch ych bỽyt. a byryỽch aỽch blin+
26
der y arnaỽch. A chynn ych mynet ymeith
27
atteb a|geffỽch. Y vỽytta yd aethant.
28
Ac yna medylyaỽ a|oruc arthur. nat oed
29
haỽd gantaỽ eỻỽng gereint y ỽrthaỽ.
30
nac o un|ỻys ac ef. Nyt oed haỽd na thec
31
ganthaỽ ynteu. uot y geuynderỽ yn gỽar+
32
chadỽ y gyuoeth a|e deruyneu cany aỻei y
33
dat eu kynnal. Nyt oed lei goual gỽenhỽy+
34
uar a|e hiraeth hi a|r hoỻ wraged a|r hoỻ
35
uorynyon. rac ouyn mynet y uorỽyn y
36
ỽrthunt. Y dyd hỽnnỽ. a|r nos honno a|dreu+
37
lyssant drỽy diwaỻrỽyd o bop peth. ac arthur
38
a uenegis y ereint ystyr y gennadỽri. a
39
dyuotyat y kennadeu o gernyỽ attaỽ ef
40
yno. Je heb·y gereint yr adel nac o|les nac
41
o afles ymi arglỽyd o hynny. dy uynnv di
42
a|wnaf. am y gennadỽri honno. ỻyma
43
yỽ dy gynghor am hynny heb·yr arthur.
44
kyt boet dy·hir gennyf|i dy uynet ti. my+
45
net ohonat y gyuanhedu dy gyuoeth. ac
46
y gadỽ dy deruyneu. a|chymer y ni·uer a|vyn+
785
1
nych gyt a|thi a mỽyhaf a gerych o|m fyd+
2
lonyon i yn hebryngyeit arnat. ac a|th|gar+
3
ant ditheu a|th|gytuarchogyon. Duỽ a|dalo
4
itt a minneu a|ỽnaf hynny heb·y gereint.
5
Pa odỽrd heb·y gỽennhỽyuar a glywaf|i y
6
gennỽch chỽi. ac a|m hebryngyeit ar ereint
7
parth a|e|wlat. Je heb·yr arthur. Reit yỽ
8
y minneu uedylyaỽ heb hi. a|m hebryngye+
9
it a|diwaỻrỽyd ar yr unbennes yssyd gyt
10
a minneu. Jaỽn a|ỽney heb·yr arthur.
11
ac y gysgu yd aethant y|nos honno. a|thran+
12
noeth yd eỻyngỽyt y kennadeu y ymdeith.
13
A dywedunt udunt y deuei ereint yn|eu|hol.
14
Y trydyd dyd gỽedy hynny y kychỽynnaỽd
15
gereint. Sef niuer a|aeth gyt ac ef gỽalch+
16
mei uab gỽyar. a riogoned uab brenhin
17
iwerdon. ac ondyaỽ uab duc bỽrgỽin.
18
Gỽilim uab rỽyf ffreinc. Howel uab emyr
19
ỻydaỽ. Eliury anaỽ kyrd. Gỽynn uab trin+
20
gat. Goreu uab custennin. Gỽeir gỽrhyt
21
uaỽr. Garannaỽ uab golithmer. Peredur
22
uab efraỽc. Gỽynn llogell. gỽyr ynat ỻys
23
arthur. Dyuyr uab alun dyuet. Gỽrei
24
gỽalstaỽt ieithoed. Bedwyr uab bedraỽt.
25
Hadỽry uab gỽryon. Kei uab kynyr. Ody+
26
ar ffranc. Ystiwart ỻys arthur. ac Edern
27
uab nud. Heb·y|gereint a glywaf i|digaỽn
28
uarchogaet* a mynnaf gyt a|mi. Je heb+
29
yr arthur ny weda itti dỽyn y gỽr hỽnnỽ
30
y·gyt a thi. kyt boet iach. yny wneler
31
tangneued y·ryngtaỽ a|gỽenhỽyuar. Ef
32
a|r aỻei y wenhỽyuar y ganhadu y·gyt a
33
mi ar ueicheu. Os kanhatta. kanhadet
34
heb ueicheu. Kanys digaỽn o|gymỽeu a go+
35
uutyeu yssyd ar y gỽr yn|ỻe sarhaet y
36
uorỽyn y gan y corr. Je heb·y gỽenhỽyuar
37
a|welych di y uot yn|iaỽn am hynny ti a
38
gereint mi a|e gỽnaf yn ỻaỽen arglỽyd.
39
Ac yna y kanhadaỽd hi edern y uynet yn
40
ryd. a digaỽn y am hynny a|aeth yn hebryg+
41
eit ar ereint. a|chychỽyn a|orugant. a
42
cherdet yn|ỽympaf niuer o|r a|ỽelas neb
43
eiryoet parth a hafren. ac ar y parth
44
draỽ y hafren yd oed goreugỽyr erbin
45
uab custennin. a|e datmaeth yn eu blaen
46
yn aruoỻ gereint yn ỻawen. a ỻaỽer o
| « p 193v | p 194v » |