Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 78r

Ystoria Carolo Magno: Chronicl Turpin

78r

79

yn|y vlỽydynn pennaduryaf
y dalei lys yn|yr yspaen. ac y
gỽisgei coron am|y benn. a the+
yrnn·ỽialen yn|y laỽ. nyt am+
gen. duỽ nadolyc. a duỽ pasc.
a duỽ sulgỽynn. a duỽ iago
ebostol rac bronn y gadeir yn
ỽastat o deuaỽt amheraỽdyr
y|dygit cledyf noeth ygkylch
y ỽely beunoeth. ac y|bydei
hỽeugeinwyr yn ỽastat yn
aruaỽc yn|y warchadỽ. a deu·geint onadunt
a|ỽarchatỽei y rann gyntaf
o|r nos. nyt amgen. dec o uch
y|benn. a|dec o·dis y traet. a  ̷
dec ar|y|tu dehev. a|dec ar|y|tu
assev. ac yn llaỽ pob vn o·na+
dunt cledyf noeth. ac yn|y
llaỽ assev y bop vn onadunt ta+
pyr kỽyr yn llosci. Ac val
hynny deugeint marchaỽc
ereill yn|yr eil trayan o|r nos.
ac val hynny deugeint mar+
chaỽc ereill yn|y tryded tray+
an o|r nos hyt y dyd yn|y gadỽ
a|r lleill yn kyscu. ac ossit a
digrifuao gỽarandaỽ y vaỽr
weithredoed ef y am hynny be+
ich maỽr gỽrthrỽm yỽ yni
eu datkanu hỽy. mal y datkan
galafrus yn odidaỽc. a pha de+
lỽ odyna y lladỽyt charlys o
garyat y|galafrus hỽnnỽ y el+
yn ef. nyt amgen brauant va+
ỽr syberỽ brenhin y saracinne+
it. a|pha|delỽ ỽedy hynny y gor+

80

es·gynnỽys amrauael derynnas+
soed. a cheiryd. a chestyll. a dinas+
soed. a|darestygỽys yn enỽ y|trin+
daỽt yn gristonogyon. a pha|de+
lỽ y gossodes llaỽer o vanachlo+
goed. ac eglỽyssev ar hyt y|byt.
a|pha|delỽ y llunnyeithaỽd cor+
fforoed llaỽer ac esgyrnn y seint.
ar hyt y byt. ac y llehaaỽd
ỽy yn eur ac aryant. a pha
delỽ y cauas amherodraeth ru+
uein. a pha phuruf y kerdỽys
y|gaerusalem. a pha phuryf
y duc gantaỽ o·dyno croc yr ar+
glỽyd o|r honn y verthoges ef
llaỽer o eglỽysseu ny a·allaf|i
na|e hysgriuennv. na|e datka+
nu. Mỽy hagen y diffyc y llaỽ
ar|y pin. no|e|weithredoed ma+
ỽrhydic ef. Mal yd ymhoele+
is ef hagen o|r vrỽydyr yn rỽn  ̷+
cyual y freinc. ac y val y bu y
vrỽydyr y glyn mieri. ac val
y gỽnaeth diỽed y varchogyon
yn|yr yspaen. ac val y seuis yr
heul yn vn dyd oet tri diỽarnaỽt
y dial y cristonogyon ar|y sara+
cinneit. Ac val y gỽnaeth arỽy+
lant y ỽyrda. ac y cladỽys hỽy.
ac val y bu y kỽnsili yn seint
ynys pan doethant dracheuen.
ac val yd a·deilvys y|ly* e|hun.
ac eglỽys veir yn|y graỽndyfyr.
a|pha|phuryf y diỽed charlo  ̷+
maen yn|y lle hỽnnỽ. Ni a|dy+
ỽedỽn yn diỽed y llyuyr hỽnn