Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 210v

Ystoria Bown de Hamtwn

210v

846

y gỽnaei yr amheraỽdyr y heỽyỻys hi
ym pob peth. o|r a archyssit idaỽ. a ỻaỽen
uu hitheu or·aỽenus. a ryỽyr genthi y
doei oet y dyd. A nos glan* mei y kym+
erth y iarỻes gleuyt arnei. ac y dyw+
aỽt ỽr˄th y iarỻ y bot yn glaf. Ac yna y
doluryaỽd y iarỻ yn|uaỽr o gleuyt y iar+
ỻes. ac y|dywaỽt ỽrthi. a|oes dim a|aỻo
gỽaret itt. ac o|r byd na|chel yr a|gosto.
Oes arglỽyd heb hitheu. pei|kaỽn beth
o gic y baed coet yn ir. mi a|gaỽn iech+
yt. a|ỽdost di pa|le y keit kyuot ar uaed
coet. Gỽnn arglỽyd heb hi. Yn an fforest
ni uch penn y mor y mae y baed coet
medei y fforestỽr ymi. a minneu a|af
auory yno yn uore. Sef a|ỽnaeth hithev
yna kyuodi yn|y seuyỻ a|dodi y dỽylaỽ
am y vynỽgyl a rodi cussan idaỽ. A thr+
annoeth y gỽiscaỽd y iarỻ ymdanaỽ.
ac y kymerth y daryan a|e waeỽ a|e gle+
dyf. heb arueu yn achỽanec. ac ar y be+
dỽyryd marchaỽc yd aethant tu a|r ffo+
rest. A|phann yttoedynt yn|y forest yn
keissaỽ y baed. y kyuodes yr amheraỽdyr
o|e lechua. ac y dywaỽt ỽrth y iarỻ yn uch+
el. Dyret hen|gleirych ragot mi a|lad+
af dy benn. ac a|baraf crogi boỽn dy uab.
a|th wreic a|gymeraf inheu. Ac yna y dy+
waỽt y iarỻ vyng corff i a|rodaf yn er+
byn dy gorff di. y amdiffyn vyg gỽreic
a|m mab. a phei bei gyt a mi luossogrỽ+
yd o gedernit. ysgaelus a|beth oed gennyf
dy uygỽth. ac os vy ỻad a deruyd ymi yn
dibechaỽt y|m|ỻedir. Ac yn|y|drindaỽt y
dodaf vy ymdiret. ac yna ymgyrchu a|ỽ+
naethant. a|r iarỻ a vyrywyt y|r ỻaỽr.
Yna y dywaỽt ef. hen ỽr ỽyf|i. a|thitheu
gỽr ieuanc ỽyt. ac yna kyuodi yn|y se+
uyỻ a|ỽnaeth. a|thynnv y|gledyf megys
gỽr deỽr. ac ymlad yn|ỽychyr a|r amher+
aỽdyr. Ac ar hynny y kyuodes pedwar
cant marchaỽc y uynyd a|e gyrchu a|e
urathu deg brath. a ỻad y dri chedymdeith

847

a phei bei aruaỽc ỽrth y ewyỻys. ef a dihag+
ei hyt yn hamtỽn. A gỽedy y oruot ef. dy+
gỽydaỽ a|wnaeth ar|benn y|lin rac bronn
yr amheraỽdyr. ac erchi trugared idaỽ
ac ystynnu y gledyf idaỽ. a|chynnic y
hoỻ gyuoeth idaỽ. dyeithyr y wreic a|e
vab yr na ledit. Na|uynnaf y·rof a|duỽ
heb yr amheraỽdyr. a|thynnv cledyf a|ỻad
penn giỽn iarỻ. ac yn|diannot y anuon
yn anrec y|r iarỻes. a hitheu a|uu laỽen
ỽrth yr anrec. ac a|dywaỽt ỽrth y gennat.
kymer varch a ffrysta yn erbyn yr amher+
aỽdyr. ac arch idaỽ dyuot racdaỽ yn|ỻaỽ+
en. ac auory ni a|ỽnaỽn yn priodas. a|n
neithaỽr. ac ynteu a doeth racdaỽ yn ỻaw+
en. Ac ual y dywaỽt y iarỻes hynny a|ỽ+
naethpỽyt. a chyt ac y|kigleu boỽn ry lad
y|dat. Sef a|ỽnaeth ynteu. kymryt dr  yc+
yruerth yndaỽ. a ỻeuein yn uchel ac ỽ  ylaỽ.
a|chyrchu y vam a|wnaeth a|dywedu  t ỽrthi.
Oi a|buttein druan brovadỽy. paha  m y
pereist di ỻad giỽn vyn|tat i. a gỽ  ae vin+
neu pan rodes yr arglỽyd duỽ itt y   pryt a|r
ỻauyn yn gyn|decket ac y rodes. ka  nys o
achaỽs hynny y ỻas vyn|tat. Ac myn y|gỽr
a anet o|r uorỽyn wyry. os ef a|ryd ymi hoed+
yl. hyt pan aỻwyf marchogaeth a gỽisgaỽ
arueu. mi a|wnaf bot yn ediuar myỽn
dy gaỻon ỻad giỽn vyn|tat. Sef a|wnaeth
hitheu dyrchauel y ỻaỽ a|tharaỽ y mab yny
dygỽyd yn ỻỽrỽ y benn ar|laỽr y neuad.
Sef a|ỽnaeth tatmaeth y mab sabaoth oed
y enỽ. a marchaỽc deỽr kyuoethaỽc oed.
kyuodi y uynyd ac achub y mab a|e dyrcha+
uel y uy·nyd rỽng y|dỽylaỽ. a|thu a|e
lys mynnv mynet a|r mab. Sabaoth
heb hitheu reit uyd itt. tynghu yr|aỽr
honn y pery dihenydyaỽ y mab hỽnn.
neu ditheu a|grocker. neu a|vligher yn
vyỽ. a minheu arglỽydes heb ef a|wnaf
hynny yn|ỻaỽen. Sabaoth a|gymherth y
mab. ac a|aeth ac ef tu a|e lys e|hun. ac ual
y deuth adref peri ỻad hỽch a|wnaeth saba+
[ oth