Philadelphia MS. 8680 – page 42r
Brut y Brenhinoedd
42r
85
Ac ỽrth hynny kyrchỽn yr
hanner gỽyr hynny. na|saf+
ỽn yn eu kyrchu hyt pan or+
ffon ni arnadunt ỽy. gan
dỽyn eu henryded yd aruerhom
ni o laỽen uudugolyaeth.
Ac y achỽenegu dy lu ditheu
minneu a|rodaf dỽy uil. o uar+
chogyon aruaỽc heb eu pe+
dyt. A|gỽedy daruot y baỽp
dywedut y peth a uynnynt
ygkylch hynny. adaỽ a|oruc
paỽp nerth yn|y megys y bei
y aỻu a|e defnyd yn|y wassana+
eth. Ac yna y kahat o ynys
prydein e|hun trugeinmil o
uarchogyon aruaỽc. heb deg
mil a adaỽssei urenhin ỻydaỽ.
Ac odyna brenhined yr ynys+
sed ereiỻ kany buassei aruer
o uarchogyon. pawb o·nadunt
a|adaỽssant pedydgant y saỽl
a|eỻynt eu kaffel. Sef a|gahat
o|r chỽech ynys. Nyt amgen
Jwerdon. ac islont. a gotlont.
ac o orc. a ỻychlyn. a|denmarc.
86
chỽeugein mil o pedyt.
Ac y gan dywyssogyon
ffreinc. nyt amgen ruth+
yn a phortu. a normandi.
a cenoman. A|r|angiỽ. a
pheutaỽ. pedwar ugeinmil
o uarchogyon. Ac y gan
y deudec gogyfurd y|deuth+
ant y·gyt ac gereint deu+
cant marchaỽc a mil o
uarchogyon aruaỽc.
A sef oed eiryf hynny oỻ
y·gyt deucant marchaỽc
a|their mil. a|chanmil. heb
eu pedyt yr hynn nyt oed
haỽd eu gossot yn rif.
A Gỽedy gỽelet o arthur
paỽb yn baraỽt yn|y
reit a|e wassanaeth. erchi
a|oruc y baỽp bryssyaỽ y
wlat. ac ymbaratoi. Ac yn
erbyn kalan aỽst bot eu
kynnadyl oỻ y·gyt ym
porth barberffloi ar|tir ỻy+
daỽ. ỽrth gyrchu bỽrgỽyn
odyno yn erbyn gỽyr ffreinc.
| « p 41v | p 42v » |