Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 216r

Ystoria Bown de Hamtwn

216r

868

1
ar y benn trỽy y helym a|e arueu yny aeth
2
ffiol y benn a|thalym o|r emennyd yndi y eithaf
3
y maes. ac ynteu yn uarỽ y|r|ỻaỽr. ac yna
4
y|dywaỽt boỽn ỽrthaỽ. y·rof a|duỽ bratmỽnt
5
da yd ymgaruuỽyt a|thi. kanys keueist dy
6
urdaỽ yn effeirat gan escob kystal ac y keueist.
7
kanys tebic ỽyt y offeirat yr|aỽr honn. ar hyn+
8
ny nachaf. ar hynny nachaf grandon y
9
nei yn dyuot y|ar varch da attaỽ. ac ef a|dy+
10
waỽt ỽrth boỽn yn|vchel. kynn mynet na bỽ+
11
yt na|diaỽt y|m|penn i tra vydy yg|croc. a
12
uackỽy heb·y boỽn o|r gỽney vyg|kyghor ti a
13
ymchoely dracheuyn. ac a|dygy dy ewythyr
14
atref kanys offeirat. kanys offeirat yỽ neỽ+
15
yd urdaỽ. ac y|m kyffes o|r|doy ditheu a|uo nes
16
mi a|th|wnaf yn|diagon idaỽ a|m cledyf. Ac
17
yna medylyaỽ a|ỽnaeth boỽn pei kaffei y march
18
a|oed ydanaỽ. na|bydei arnaỽ wedy hynny
19
ofyn neb. ac yna kymryt gỽaeỽ bratmỽnt
20
a|wnaeth a|gossot ar|grandon ac ef. a|e uedru
21
yn|y daryan. yny dorres y daryan. ac yny aeth
22
y gỽaeỽ trỽydaỽ ynteu. a thrỽy y hoỻ aruev.
23
yny|dygỽyd ynteu yn varỽ y|r|ỻaỽr. ac yna y
24
disgynnaỽd ef y ar y varch. ac y kymerth y
25
march da. ac yn amysgaỽn yd|ysgynnaỽd ar+
26
naỽ. ac heb un ofyn arnaỽ yna. y kerdaỽd
27
racdaỽ. a|phaỽp yn|y ymlit ynteu. ar|hynny y
28
doeth ef y lann dỽfyr maỽr. a hanner miỻtir
29
a|oed yn ỻet y dỽvyr. ac ny safei bont yn|y dỽvyr.
30
ny aỻei na ỻong nac ysgraff ar·naỽ ynteu. Sef
31
a|wnaeth boỽn yna. dodi arỻost y waeỽ yn|y dỽfyr
32
y edrych a|oed dỽvyn. ac yn diannot y dỽfyr a|duc
33
y gỽaeỽ gantaỽ o laỽ boỽn. kyn|gadarnet oed
34
y|dỽvyr a|hynny. ac yna|yd|ofynockaaỽd boỽn
35
yn vaỽr. ac y|dechreuis wediaỽ a|dywedut. o|r ar+

869

1
glỽyd duỽ vrenhin paradỽys. a anet o|r vorỽ+
2
yn wyry ymethleem. ac a|diodeuaỽd agheu
3
ym|prenn croc yr yn|prynu ni. a|e gladu.
4
Ac odyna yd|aeth y anreithaỽ uffern. ac y
5
torres y drysseu. ac a|uadeuaỽd y|ueir uadlen
6
y houered a|e|phechodeu. ac yn aỽr y mae
7
yn eisted ar deheu y tat. a|dydbraỽt a|daỽ y
8
uarnu ar vyỽ ac ar veirỽ herwyd eu gỽe+
9
ithretoed. ac y|gorchymynnaf itt iessu
10
grist vy eneit a|m corff. kanys gỽeỻ yỽ
11
gennyf vy mod|i yn|y dỽfyr hỽnn. no|m|kael
12
o|r paganyeit racko y|m merthyru ỽrth y
13
hewyỻys. ac y·gyt ac y|daruu idaỽ y wedi.
14
brathu y march ac ysparduneu a|e|lidyaỽ
15
a|e gymeỻ y|r dỽfyr. a|r|march ar y|neit kyn+
16
taf a vyryaỽd dec troetued ar|hugeint yn|y
17
dỽfyr. a thrỽy nerth y wedi a chedernit y
18
march drỽy draỻaỽt a|gofut drỽod yd aeth+
19
ant. a|gỽedy eu|dyuot drỽod. nyt oed o|r|byt
20
ỽr laỽenach. Sef a|wnaeth y march yna ym+
21
ysgytweit yny dygỽydaỽd boỽn pedeir
22
troetued y ỽrthaỽ. Eilweith ysgynnu ohon+
23
aỽ ar y march. a thyngu myn y gỽr a|m
24
prynaỽd ym|prenn croc yn ỻawen mi a
25
rodỽn vy march a|m hoỻ ˄arueu yr hanner un
26
dorth o|vara gỽenith peiỻeit. Ac yna gỽe+
27
dy dianc boỽn drỽod. hỽynteu y paganyeit
28
yn|drist aflaỽen a ymchoelassant drachevyn.
29
Ynteu boỽn a gerdaỽd racdaỽ yny|doeth y
30
ymyl casteỻ o uein marmor. ac ar ffenestyr
31
o|r kasteỻ y gỽelei gỽreic ieuanc yn|gogỽyd+
32
aỽ. Oi arglỽydes dec yr y duỽ y credy di
33
idaỽ dyro im vn walyeit o|vỽyt. a uarcha+
34
ỽc heb hitheu ouer yỽ itt dy ymbil a|miui
35
am|vỽyt. kanys cristaỽn ỽyt ti. a|m arglỽyd