Oxford Jesus College MS. 111 (The Red Book of Hergest) – page 218v
Ystoria Bown de Hamtwn
218v
878
Ar hynt y duhunaỽd ef y gedymdeithon
ac erchi udunt wiscaỽ eu harueu ar ffrỽst.
a menegi udunt ry daruot y|r palmer y|ro+
dyssynt idaỽ y sỽper y nos gynt mynet
a|iosian yn|ỻathrut. a|phei gỽypei iuor
hynny. ys|drỽc a|wyr eu|dihenyd uydem ni.
ac ar ffrỽst y gỽiscassant ỽynteu ymdan+
unt. ac yn ol boỽn y kerdassant mil o
varchogyon. Boỽn a bonffei a|e hargan+
vuant yn dyuot yn eu hol. Ac yna y dyỽ+
aỽt boỽn. Myn vym|penn mi a|ymchoel+
af drachefyn ac a|rodaf dyrnaỽt y garsi.
yny uo y penn yn eithaf y maes hyt na
del yn yn hol ni. ac na|bo reit y|neb ofyn
y|vy·gỽth wedy hynny. ac a morglei vy+
g|cledyf megys y gỽeloch wedy hynny.
mi a|ladaf penneu y bobyl racco. yny
gaffo hoỻ|gỽn y|wlat digaỽn o vỽyt ar+
nunt. Arglỽyd heb·y bonffei ỻyna uedỽl
ffol y mae racko o niuer hyt na aỻei un
dyn ymerbynnyeit ac eu|hanner. ac na
chymer di arglỽyd yn ỻe drỽc. mi a|rodaf
yssyd weỻ. Mi a uedraf o|n blaen gogof
braff. a|meith yỽ dan y dayar. A|gỽedy yd
elom y myỽn y|r ogof ny|n keiff neb. ac ny
byd reit in ofyn neb. A|r kyngor hỽnnỽ
a|wnaethant. ac y|r ogof yd|aethant.
Ynteu garsi a|uu yn eu heissaỽ ỽy yn|ỻa+
wer ỻe ac ny|s kauas. Ac ny chyfaruu
neb ac ef o|r a|wypei dim y|ỽrthunt.
Ynteu a|e gedymdeithon yn|ỻidiaỽc·drist
a|ymchoelassant dracheuyn. a hỽynteu
yỻ tri yn diogel a yttoedynt yn|yr|ogof
ac nyt oed dim bỽyỻỽrn gantunt yswa+
ethiroed. Ac yna y dywaỽt iosian trỽy
y hỽylaỽ ỽrth boỽn. Kymeint yỽ vy
newyn ac na aỻaf uot yn|vyỽ yn·epeỻ
rac y ueint. Ym|kyffes heb·y boỽn ỻyna
beth trỽm a pheth tost gennyf|i. bot yn
gymeint dy newyn|di a|hynny. a min+
neu a af y edrych a gyuarffo a|mi vn
gỽydlỽdyn ac a|adaỽaf bonffei y|th|war+
879
chadỽ. yny delỽyf dracheuyn. Duỽ a|dalo it
arglỽyd heb hitheu. Ac yr uyng|karyat
ynneu arnat ti na vit hir dy|drigyan.
Na uyd heb·y bown. a brathu y uarch. ac
ymeith yd|aeth|ef. Bonffei a Josian a dri+
gy·assant yno. ar hynny nachaf deu leỽ
wennỽynic lityaỽc yn|y achub. Sef a|wnaeth
bonffei yna gỽisgaỽ y arueu ac esgynnu
ar y uarch a chymryt y waeỽ yn|y laỽ a
gossot ar un o|r ỻewot. a|e uedru. ac ny thor+
res y groen rac y galettet. hỽynteu y ỻew+
ot a|doethant o|pob|parth idaỽ. a|r neiỻ a|e
ỻadaỽd ef ac a|e ỻewas. a|r ỻaỻ y uarch.
Ygyt ac y gỽyl hitheu hynny dechreu
ỻeuein a|wnaeth. ac nyt oed aelaỽt arnei
ny|bei yn|crynv rac ofyn y ỻewot. Sef
a|wnaethant w·ynteu ygyt ac y clyỽssant
y hachub hi ar uessur y bỽyta. ac ny at
eu|hanyan udunt ỻad neb neu y vỽyta o|r
a|uo ettiued y urenhin. Rỽygaỽ y gỽisc
vliant a|wnaethant. a chan eu hewined
ar hyt y chnaỽt y|gỽynn y redei y gỽaet
yn ffrydyeu. a|e chymryt y·ryngtunt a
mynet a|hi yny aethant y benn creic uch+
el. a|thrỽm oed genthi y chaỻon a|e medỽl
a|dechreu cỽynuan a|wnaeth hi a|dywedut
Oi a|boỽn ˄hir a beth yd ỽyt yn trigyaỽ. Yr aỽr
honn y|m|ỻadant y bỽystuileit hynn. ac
ny|m|gỽely byth yn|gỽbyl wedy hynny.
Ar hynny nachaf boỽn yn|dyuot y|r ỻe
yd|adaỽssei bonffei a Josian. wedy ry lad
danys ohonaỽ. A|phan edrych ef a|wyl
breich bonffei yno. ac o|r|parth araỻ ef a
wyl y droet. ac o|r tu araỻ ef a|welei mordỽ+
yt y uarch. a|e droet wedy ry|biliaỽ hyt yr
esgyrn. Sef a|wnaeth ynteu yna galỽ ar
iosian ac erchi idi dyuot y ymdidan ac ef.
A|gỽedy na|s gỽyl. ac na|s kigleu. y|dygỽyd+
aỽd ynteu y ar y march y|r ỻaỽr ac y ỻewy+
gaỽd. ac os drỽc oed drycyruerth boỽn.
gỽaeth oed d rycyruerth y march herwyd
y synnỽyr ef yn gỽeryru. ac yn cladu y dae+
[ ar.
| « p 218r | p 219r » |