NLW MS. Peniarth 19 – page 22v
Brut y Brenhinoedd
22v
87
1
ac aberthu y|r dwyỽes. a gofyn pa
2
wlat y pressỽylei o|e chyfanhedu
3
yn|dragywydaỽl idaỽ. ac o|e etiued.
4
ac o gyt·gyghor y kymerth brutus
5
gereon dewin. a|deudec o|e henaf+
6
gỽyr ygyt ac ef ac yd aethant
7
hyt y demyl. ac a|dugant bop
8
peth o|r a vei reit herỽyd eu de+
9
uaỽt ỽrth aberthu ganthunt.
10
A gỽedy eu dyuot y|r demyl. gỽ+
11
isgaỽ a|wnaethpỽyt coron o win*+
12
yd am benn brutus. Ac yn herỽ+
13
yd hen gynefaỽt kynneu a|w+
14
naethpỽyt teir kynneu y|r
15
tri duỽ. nyt amgen. Jubiter.
16
a mercurius. a diana. ac a·ber+
17
thu y bop un o·honunt ar ne+
18
iỻtu. ac odyna yd aeth brutus
19
e|hun rac bronn aỻaỽr diana.
20
a ỻestyr yn|y laỽ yn ỻaỽn o win.
21
a gwaet ewic wenn. a drychaf+
22
el y wyneb a|wnaeth gyfarỽy+
23
neb ac wyneb y dỽywes. a dyỽ+
24
edut ỽrthi yr ymadraỽd hỽnn.
25
A e tydy dwyỽes gyfoethaỽc
26
ti yssyd aruthyr y|r beid
27
coet. ytt y mae kennat treigla+
28
ỽ awyrolyon lỽybreu. a goỻ+
29
ỽng eu dylyet y daearolyon
30
ac uffernolyon dei. Dywet ti
31
ymi pa daear y pressỽylaf i
32
yn diheu yndi. a pha eistedua
33
yd anrydedỽyf|i dydi trỽy yr
34
oessoed o demleu a gỽerinaỽl
35
goreu gwerydon.
36
A Gỽedy dywedut hynny o+
88
1
honaỽ hyt ympenn naweith tre+
2
iglaỽ ygkylch yr aỻaỽr a|oruc
3
bedeirgỽeith. a dineu y gỽin a
4
oed yn|y laỽ y myỽn geneu y dỽ+
5
ywes. a thannu croen yr ewic
6
wenn rac bronn yr aỻaỽr. ac
7
ar hỽnnỽ gorwed. ac am y dry+
8
ded awr o|r nos pan oed esmỽy+
9
thaf ganthaỽ y hun y gỽelei
10
y dwyỽes yn sefyỻ rac y vronn
11
ac yn dywedut ỽrthaỽ ual hynn.
12
B rutus heb hi y mae ynys
13
y parth hỽnt y freingk
14
yn gadwedic o|r mor o bop tu
15
idi. ac a vu gewri gynt yn|y
16
chyuanhedu. yr aỽr honn diffe+
17
ith yỽ ac adas y|th genedyl
18
kyrchu yno. kanys hi a vyd
19
tragywydaỽl eistedua ytti. ac
20
a vyd eil troea y|th lin di. Yno
21
y genir brenhined o|th lin di y|r
22
rei y byd darostygedic amgylch
23
A Gỽedy y weledi* +[ y daear.
24
gath honno deffroi a|oruc
25
brutus. a phetrussaỽ beth ry
26
welsei ae breudwyt ae ynteu y
27
dwyỽes yn menegi idaỽ y ỻe
28
a bressỽylei. a galỽ y gedymdei+
29
thyon a|oruc attaỽ. a menegi
30
vdvnt y weledigaeth. a|diruaỽr
31
lewenyd a gymerassant yndunt
32
ac annoc mynet yn eu ỻogeu.
33
ac ar y gỽynt kyntaf kerdet
34
yn rỽyd y geissyaỽ y wlat a
35
uanagassei y dwyỽes udunt a
36
wnaethant. a chychỽyn y eu|ỻog+
| « p 22r | p 23r » |