Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 221v

Ystoria Bown de Hamtwn

221v

890

adolỽyn y uot yn drugarawc ỽrth y heneit
kan daroed barnu y chorff. ac ỽylaỽ a|ỻeuein
a|wnaeth. A thrỽy y dryc·yruerth y|dywaỽt.
Oi|a arglỽyd iessu grist truan a|beth y|m|dery+
ỽ. a cham a|beth y medreis. dodi vy hoỻ ga+
ryat ar|boỽn. ac ynteu y|m yscaelussaw ac
yn|gadel vyn|dihenydyaỽ. heb wybot idaỽ.
ac nyt ymwelỽn ni vyth beỻach y·gyt. ac
erchi offeirat a|wnaeth. ac offeirat a|ga+
uas. a|phaỽb o|r a|e gỽelei yna. yr kadarnet
uei y gaỻon a trugarhaei ỽrth·i. Yr offeirat
a|e|kyffessaỽd yn|gỽbyl. ac a|e hettelis yn|hir
rac truanet gantaỽ y dihenydyv. ar|hyn+
ny nachaf boỽn yn|dyuot. a bugeil yn
kyuaruot ac ef. Sef a|wnaeth ef gouyn
y|r bugeil. beth a|wneit a|r tan maỽr a|we+
lei ef yn|ỻosgi. Peth truan heb y|bugeil.
ỻosgi morỽyn dec o|achaỽs tagu yr iarỻ
ohonei a|e priodassei hitheu o|e hanuod.
Nyt y|m|bywyt i heb·y boỽn y ỻosgir hi.
a|brathu arỽndel ac ysparduneu. a|thu a|r
tan y kerdaỽd. ar hynny nachaf copart
o|r|parth araỻ yn|dyuot. ac ym|perued y maes
yn ymgyuaruot a|r bugeil. a gofyn yn u+
chel idaỽ pa achaỽs y ỻosgit tan kymeint
ac yd|oedit yn|y losgi. ac ygyt ac y gỽyl y bu+
geil ef. dechreu dygarnffo. ac yn vynych u+
chel y dywedei benedicite. benedicite. Eissoes
ny|bu gopart un cam o|bedestric ỽrthaỽ. a ro+
di tacua idaỽ. a gouyn ystyr a|r achaỽs yd
oedit yn|ỻosgi tan kymeint a hỽnnỽ. Ar+
glỽyd heb y bugeil. yr y gỽr a|n prynaỽd yd
archaf dy drugared. Morỽyn a losgir yn|y
tan racko a briodet doe o|e hanuod. Na
losgir myn vym|penn i hyt tra|barhaỽyf
yn vyỽ. Ac yn ol boỽn ar|hynt y kerdaỽd
ef. Ac att y tan y doethant. a boỽn a
tynnaỽd morglei y gledyf. Ac a|hỽnnỽ
yd eiỻaỽd penneu y saỽl a gyuarffei ac
ef y ar y corfforoed. Ynteu copart bob dec
y ỻadei ynteu a|e ffonn. Yna y|dywaỽt bo+
[ ỽn.

891

copart coffa eu dyffust yn|dihauarch. Mi a|w+
naf hynny yn ỻawen heb ynteu. A|gỽedy
daruot udunt ỻad y bobyl. heb dianc yn+
emaỽr o·nadunt. boỽn a|aeth att iosian ac
a|dorres y rỽymeu oed ar y dỽylaỽ. ac a erchis
y gopart mynet y erchi palffrei y Josian att
yr esgob. a|r march a|gahat gan yr esgob heb
olud. A|gỽedy dyuot copart dracheuyn. a|r
march ganthaỽ. iosian a|dodet ar y march.
ac racdunt y kerdassant yny doethant y gas+
teỻ sabaoth. Ygyt ac y gỽyl sabaoth iosian.
mynet dỽ  ylaỽ mynỽgyl idi a|wnaeth. a|bot
yn|ỻawen ỽrthi. Ynteu sabaoth a beris cadarn+
hau y caesteyỻ. ac atnewydu y muroed a|r|key+
ryd. a|dyuynhau y clodyeu ygkylch y kasteỻ
mal na aỻei neb. na dyuot y myỽn na|my+
net aỻan heb y gennat ef. a|dydgỽeith y
bore y gelwis boỽn ar un o|r marchogyon.
a charuus oed y enỽ. Ac un o|r gwyr gleỽaf
a|dewraf oed ef. Ac erchi idaỽ mynet hyt
yn|hamtỽn at yr amheraỽdyr. a|dywedut idaỽ.
y|mae boỽn oed enỽ y march·aỽc a ry|uuassei
yn ymdidan ac ef y nos araỻ ac a|e tỽyỻỽys.
ac yn ynghỽanec dywet idaỽ. y paraf y grogi.
neu y dihenydyaỽ dihenyd ny|bo gỽeỻ idaỽ no
hỽnnỽ. Kanys oetran gỽr yssyd arnaf|i heb
ef a|mi a aỻaf gỽisgaỽ arueu a marchoga  ̷+
eth. ac amylder o uarchogyon gleỽ deỽr
anhegargryf yssyd gyt a mi. Y gennat
a|aeth hyt yn|hamtỽn att yr amheraỽdyr.
ac yn ehofyn wychyr menegi idaỽ y gennadỽ+
ri heb gelu dim. Ac yn ynghwanec y gen+
nat a|dywaỽt. tydi a|ledeist yn gamwedaỽc
bechaduryus giỽn Jarỻ tat boỽn. a hynny
a uyd ediuar itt yn|ehegyr. Sef a|ỽnaeth
yr amheraỽdyr yna a|r gyỻeỻ newydlif oed
yn|y laỽ. bỽrỽ caruus a|hi. Ac ny|s medraỽd
namyn mackỽy idaỽ e|hunan a uedraỽd
yny aeth y gyỻeỻ trỽydaỽ. ac yny dygỽyd+
wys ynteu yn uarỽ y|r ỻaỽr rac y uronn.
Sef a|wnaeth caruus yna esgynnv ar y uarch.