Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 223r

Ystoria Bown de Hamtwn

223r

896

ac adref y deuthant. ac eu bỽyt a gymeras+
sant. A|gỽedy bỽyt ymolchi a|orugant. ac
odyna erchi y gỽin. a gỽedy yuet eu dogyn
o·honunt y gyscu yd aethant. ac y|myỽn
aỽr da y gỽeithredaỽd a|hi. kanys deu uab a
enniỻaỽd yna. y|rei a uuant glotuorus pan  ̷
deuthant myỽn oetran. a|r neiỻ a|elwit gi.
a|r ỻaỻ a|elwit miles. ac eissoes ny bu di·boen
udunt enniỻ clot ac enryded. ac yn hynny
diwarnaỽt medylyaỽ a|oruc boỽn. o uynet y
ymwelet a|r brenhin. ac erchi a|oruc y uarch+
ogyon a|e ysquieryeit o|r rei deỽraf ymgỽei+
raỽ gyt ac ef. Ac yna yn gyflym yd ymbara+
toyssant ỽrth y arch. Y iarỻ a|esgynnaỽd ar
y uarch. ac racdunt y kerdassant. ny orffỽys+
sassant yny doethant hyt yn|ỻundein. a
chyt ac ef pedwarcant o uarchogyon deỽr+
on clotuorussyon. A gỽedy dyuot boỽn y
lundein. ef a gymerth y ỻetty goreu yn|y dref.
a|gỽedy hynny y kerdaỽd ef a|sabaoth y ym+
geis a|r brenhin. ac ỽynt a|e kaỽssant ef y|my+
ỽn ystaueỻ o uein marmor. Ac yna y kyf+
uarchassant weỻ idaỽ yn|y mod hỽnn.
Duỽ yr hỽnn a|anet o|r uorỽyn wyry y·rom
ni pechaduryeit. ac a|uu teir blyned ar|dec
ar hugeint ar y dayar yn|diodef penyt. ac
a|dyrwestaỽd deugein niwarnaỽt. yr amdif+
fyn y bobyl. ac y gỽerthaỽd Judas yr idew+
on. yr dec ar|hugeint aryant y boeni. ae ffro+
wyỻaỽ. ac a|diodeuaỽd agheu ym|prenn croc.
ac a|uu uarỽ ac a|gladỽyt. a|r trydyd dyd y
kyuodes o ue˄irỽ. ac y daỽ dydbraỽt y uarn+
nu arnam ni oỻ. poet ef a|th iachao di. ti
a|th uarỽneit. vyng|karedic i heb y brenhin
pa|vn|ỽyt ti. a|pha|le y|th anet. Myn uy ffyd
heb·y boỽn mi a|e dywedaf itt. Boỽn y|m|ge  ̷+
lwir. ac yn|hamtỽn y|m|ganet. a mab oedỽn
y giỽnn iarỻ hamtỽn. yr hỽnn a|garut ti
yn uaỽr gynt. Gressaỽ ỽrthyt heb y bren  ̷+
hin a|dwc yma gussan. a|mi a|dylyỽn dy
garu. Ac yna yd estynnaỽd y brenhin y gy  ̷+

897

uoeth a|e dylyet idaỽ. a boỽn a|dalaỽd di+
olỽch idaỽ. Ac yna y kyuodes sabaoth. ac
y gelwis ar boỽn. ac yd erchis idaỽ talu te*+
yrget y|r brenhin. Heb·y boỽn. duỽ a|diolcho
itti athro. ny thalaf|i teyrnget idaỽ ef y|m
bywyt. Ponyt oed bechaỽt a|thruan a|ry+
ued. gỽedy llad o|don vyn|tat i a|e gledyf.
rodi vy|mam idaỽ a|m dylyet a|m dehol in+
neu. ac ỽrth hynny hyt pan iaỽnhaer
hynny oỻ. ny thalaf|i teyrnget. Yna y
dywaỽt y brenhin dy uam di a|wnaeth
hynny poet duỽ a|dialo erni hynny. ka+
ny cheisseis i genthi werth un geinaỽc
o|r eidi. a minneu a|rodeis itti dy dylyet.
Gỽir a dywedy duỽ a dalo itt heb·y boỽn.
Yna y dywaỽt y brenhin. boỽn heb ef
mi a|deleis itt dy gyuoeth a|th gestyỻ.
a|th dinassoed kyuoethaỽc. a|th borthmyn.
a|th gedernit. a giwn dy dat a|m karaỽd
yn|wedus. a|drỽc y teleis y bỽyth y vab.
arglỽyd heb·y boỽn kanys ediuar yỽ
gennyt. mi a|e madeuaf itt a madeuyt
duỽ itt. heb y brenhin|da y|dywedeist. ac
yna galỽ ar was ystaueỻ attaỽ. kymer y
ffonn heb ef a|ry uu y giỽn de hamtỽn. gỽr
clotuorus. a|dyro y boỽn y uab. a|r ffonn
honno eur coeth yỽ. Ac yna y gelwis y
brenhin ar|boỽn a|rodi y ffonn y boỽn
trỽy dywedut ỽrthaỽ. Mi a|th wnaf yn
bennaf yn ỻoegyr. arglỽyd heb·y boỽn. ti
a|rodeist ystyn a medyant im duỽ a|e talo
itt. a thrannoeth oed duỽ sulgỽyn y ky+
uodes y brenhin. ac yd|anuones yn ol boỽn.
ac y|r eglỽys yd aethant. a chynn mynet y|r  ̷
eglỽys y gỽisgaỽd y brenhin y goron am y
benn. a bown a|e|kymhỽyssaỽd am|y|benn.
ac escob gris a|gant yr offeren. ac y|r aỻaỽr
yd aethant ac ar|benn eu|glinyeu yd offry+
massant trỽy ewyỻys da. ac ygyt ac ef
tywyssogyon clotuorus. A|gỽedy yr offe+
ren. y marchogyon a|ymdidanyssant. y·ryg+