Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 223v

Ystoria Bown de Hamtwn

223v

898

1
tunt. ac y dywedassant. arglỽyd heb wynt
2
y sulgỽynn yỽ hỽnn. ni a|dylyỽn marcho+
3
gaeth a|n meirch a uo yn sỽiỽrn. Gỽir a
4
dywedỽch heb·y rei trỽy tynghu y duỽ. yr
5
hỽnn a|rodo distriỽ arnunt. Ac yna deu
6
o·honunt a|uarchockayssant deu uarch
7
drythyỻ tu a|r porth. Y neiỻ ohonunt oed
8
a cherdetyat uchel gantaỽ. a|r ỻaỻ yn ry+
9
gynghaỽc. ac uchel oed y dyd. ac ef a|vyryỽ+
10
yt o benn y|tỽr dec gaflach ar|hugeint. Ac
11
yna yd ymbenntyrryassant y marchogy+
12
on y·gyt. ac ar y plas peri arỽein eu me+
13
irch. Ac yna yd|oed arwndel yn|drythyỻ yn
14
ỻaỽ boỽn. ac ysgynnu a|oruc boỽn y|my+
15
ỽn kyfrỽy a|e gorueu yn eureit. ac ym+
16
didan a|oruc a|r|brenhin. a thra yttoed ef
17
yn|yr ymdidan hỽnnỽ y|marchogyon ere+
18
iỻ a|dugant hynt o vlaen bown yn ỻet+
19
rat. ac yna nyt ymarbedaỽd neb ohon+
20
unt a|e gilyd. ac yna y gỽahardỽys y
21
brenhin ỽynt hyt na thorrei neb ohonunt
22
aelodeu y|gilyd. Arglỽyd heb·y boỽn am
23
ffolineb y dywedy. ny eỻir hynny. Eissoes
24
tra yttoed boỽn yn ymdidan a|r|brenhin.
25
Y marchogyon a raculaenassant tri gyr+
26
ua march o vlaen boỽn. ac yna boỽn
27
trỽy y|dicyouein. brathu arwndel ac yspar+
28
duneu dan y uoli a|ỽnaeth. a|r|fford a|gym+
29
erth. hyt pan|gyuodes dỽst y fford a|e|uỽrỽ
30
y gan y gỽynt yn yr wybyr ryngtaỽ a|r
31
gỽyr. Welỽch heb y brenhin meint y kam
32
y mae boỽn yn|y|wneuthur y|r march. ac
33
ny bu hir hyt pan edewis ef y|deu uarcha+
34
ỽc o wasgỽin agos y deir miỻtir. ac yn|y
35
diwed ef a|e hedewis oỻ. ac ymdidan a|oruc
36
ef a|e uarch. a|dywedut ỽrthaỽ. March heb
37
ef beth a|daruu itt. myn|duỽ drỽc y kerdeist
38
hytt hynn. kanys pan erlityassam ni y
39
rỽnsyeit clotuorus. a phan|ledeis i|tene+
40
bres. yna ti a|e hedeweist. Ac yna gyntaf
41
ti a|m urdeist. A phan gigleu y march y ar+

899

1
glỽyd yn|y voli yn|weỻ noc y kauas o|e broui.
2
y fford a|gymerth ac racdaỽ y kerdaỽd. hyt na
3
bu eiryoet ederyn a aỻei y ganlyn o|achaws y
4
kanmaỽl a|oruc y arglỽyd arnaỽ ny orffỽyssaỽd
5
yny doeth y geffinyd tref y dat. Ac yna seuyỻ
6
a|oruc y march ac edrych a|oruc boỽn ar y tir
7
yn|y gylch. ac adnabot y vot yn|dyuot y|dref
8
y|dat. Oi a duỽ dat hoỻgyuoethaỽc heb·y boỽn
9
ỻyma y|tir y dylyei uyn|tat i bot yn geitwat
10
arnaỽ trỽy nerth duỽ. ac yma y|paraf i. wne+
11
uthur tref a|chasteỻ. ac arỽndel vyd y enỽ yr
12
enryded y arỽndel vy march. ac yna yd ymho+
13
elaỽd. ac ny orffowyssawd yny doeth y lundein.
14
a|disgynnv a|oruc ar rad o vein marmor. Ac
15
yna y|doeth. sabaoth attaỽ. Arglỽyd heb ef
16
ỻawer a gysceist. athro heb·y boỽn mi a en+
17
niỻeis o redec vy march. mỽy noc a enniỻỽys
18
vy hoỻ genedyl ar uor. Ac yna bỽrỽ golỽc o|vab
19
y brenhin ar uarch boỽn. a|e chỽennychu a|e
20
erchi y boỽn. ffol iaỽn y dywedy heb·y boỽn.
21
Pei medut ti ar hoỻ loegyr a|th uot yn urenhin
22
corunaỽc. a|rodi o·honat ti y mi yr enryded
23
hỽnnỽ oỻ. yr hynny oỻ ny rodỽn uy march itt.
24
Ac yna y digyaỽd y mab yn vaỽr. a galỽ attaỽ
25
kynghorỽr a|oruc. yr|hỽnn y rodo duỽ maỽr|drỽc
26
idaỽ. a hỽnnỽ a|dywaỽt ỽrthaỽ. Dyro deuge+
27
in marchaỽc neỽyd urdaỽ im. a|phan el boỽn
28
ỽrth y vỽyt y lys dy dat. kanys dy|dat a|e gỽaho+
29
des. ni a aỽn y dỽyn y uarch. Ac yna yd aeth
30
boỽn y letty. a|rỽymaỽ y uarch a|oruc a|dỽy
31
gadỽyn. a chymryt y ffonn a|oruc a|mynet y|r
32
casteỻ. Ac ual y harganuu y brenhin ef.
33
galỽ arnaỽ a|oruc. a|govyn idaỽ pa|wed y|dar+
34
uu idaỽ. Ac ynteu a|dywaỽt ual y|bu. Diolỽch
35
y|duỽ hynny heb y brenhin. Mi a orchyuygeis
36
y marchogyon heb·y boỽn. ac hyt ar vyn|tir
37
uy hunan y marchockeeis ac a|e henniỻeis. ac
38
yna y|mynnaf wneuthur casteỻ. a|hỽnnỽ
39
a alwaf arỽndel. o enỽ arỽndel vy march. a
40
minneu heb y brenhin a gadarnhaaf hynny
41
yn|ỻawen. A gỽedy gỽybot o uab y|brenhin.