Breudwd Welsh Prose 1300-1425
Cymraeg

Philadelphia MS. 8680 – page 22v

Ystoria Dared

22v

7

tywyssaỽc y gỽyr a|elỽ+
it mimidones a|wnae+
thant aerua uaỽr ar
wyr troea. Ac ual y
gỽelas pentisilia hynny
ymlad yn|gadarn a|w+
naeth yn|y vrỽydyr a
thrỽy dalam o|diwarno+
deu y·gyt yr ymladassant
hỽy yn wychyr. ac y
ỻadassant laỽer o bop
parth. A|phentisilia a
urathỽys pyrr. ac ynteu
yn achubedic o|dolur a
ladaỽd pentisilia y·arỻes
y wlat a|elwit amazo+
nia. A|gỽedy daruot
hynny pyrr a gymheỻ+
wys hoỻ|lu troea y|r ga+
er. ac o vreid gỽedy ry
ymgynnuỻ ohonunt
y kaỽssant hỽy eu ffo.
Ac yna gỽyr groec a
damgylchynnassant y
gaer a|e ỻu hyt na chaf+

8

fei wyr troea na mynet
y myỽn na|dyuot y|maes
odyno drỽy vn geluydyt.
Ac yna antenor a|pholi+
damas ac eneas a|deuthant
at briaf y erchi idaỽ keissaỽ
ymrydhau odyno. ac ym+
gyghori am yr hynn a|delei
rac ỻaỽ. A|phriaf a|elw+
is y gyghorwyr attaỽ.
ac a|erchis udunt dywe+
dut yr hynn a|odologyssynt
ac a yttoedynt yn|y damu+
naỽ. Ac yna antenor a
duc ar|gof ry lad ỻaỽer
o wyr groec a thywyssogy+
on ac amdiffynwyr troea.
nyt amgen noc ector ac a+
lexander a|throilus. a|ry
drigyaỽ o·honunt ỽynteu
ỻaỽer o wyr kadarn. nyt
amgen no|menelaus ac
agamemnon. a|phyrr
uab achelarỽy gỽr nyt
ỻei y gedernit no|e dat.