Oxford Jesus College MS. 111 (The Red Book of Hergest) – page 228r
Ystoria Bown de Hamtwn
228r
916
a|thrychant gỽely o eur ac aryant. a|r gym+
eint araỻ o gylchedeu. a chlustogeu. a|phedw+
ar|cant o ffioleu. ac eu cloryeu ar·nadunt. a
phump mil o lieineu bordeu o eur wedy y
restru. a phump cant o lewot. a|phump cant
o eirth. a mil o|sỽmereu eureit. a mil o|lury+
geu da gloyỽon. ac a|berthyn o helmeu. a hyn+
ny a rodaf itt yr kaffel vy|myỽyt. ac a|uydaf i
ryd weithon. Mynn vym penn heb·y boỽn ti a
drigyy yny welỽyf i y da. Ac yna galỽ a|oruc
Juor y gennat attaỽ. ac erchi idaỽ uynet hyt
ym mỽmbraỽnt att y dirgeledic was ystaueỻ
Sabaoth. ac erchi idaỽ anuon attaỽ y da rac·dy+
wededic. a menegi y uot yn kaffel y rydit a|e vyỽ+
yt yr hynny o|da. Ac yna y kerdaỽd y gennat
racdaỽ. yny doeth att sabaot. a rodi y ỻythyr yn
y|laỽ. ac edrych a|oruc ynteu yn|y ỻythyr a|e dar+
ỻein. a|dywedut ỽrth yr admiral y gorchymun
a|deuth attaỽ. a diolỽch hynny y vahumet a|o+
rugant. a dygynnuỻ y trysor y·gyt a|orugant.
a deg|mil o paỽmỽneit a|anuonet y hebrỽng
y dywededic amryuaelon daoed. ac yn|da gan+
tunt y gaffel yr ky|uychanet a|hynny o werth. Ac
yn undyd y|doethant hyt ym|bratfỽrt. a boỽn a|e
herbynnyaỽd ỽynt. a|geỻỽng iuor a|orugant.
a|choỻet maỽr uu hỽnnỽ y boỽn mal y treythir
rac ỻaỽ. Weithon y traethỽn o ermin urenhin
a|thewi am iuor. Cleuychu a|oruc. ac y
myỽn ỻofft yd oed yn|orweidaỽc. a|medylyeit a|ỽ+
naeth taỽ hir y|buassei yn|ỻywyaỽ y urenhiny+
aeth. a diolỽch a|oruc y duỽ. Ac erchi peri dỽyn
gi uab boỽn gyr y uron. a dywedut a|wnaeth
y gỽnaei ef y bore yn vrenhin. a miles yn|duc
ac ueỻy y|dosparthaf|i vyg|kyuoeth. A phan|gi+
gleu boỽn hynny wylaỽ a|oruc. a|pheri dỽyn
y brenhin y|r eglỽys. ac anuon yn ol yr escob y
gyffessu. a rydit a|gauas o|e hoỻ bechodeu a
dygymot a|duỽ. Ac yna yd urdỽyt gi. a boỽn
uab terri. ac ugein o uachleryeit gyt ac ỽynt.
Ac yna peri dỽyn y goron a|choronhau gi oho+
nei. ac ỽrth hynny yd|oedynt esgob ac abadeu.
a maỽr uu yr offrỽm a|doeth y|r aỻaỽr. ac yn
hynny yd|aethant yr egylyon a|r|eneit y|r nef.
917
Beỻach y mae gi uab boỽn yn vrenhin coro+
naỽc. a miles yn duc clotuorus. ac yn|y|dyd hỽn+
nỽ y cladỽyt y brenhin. a|gỽedy yr aglad yd esgyn+
nassant ar eu meirch. ac y dywaỽt un o|r meibon
ỽrth y ỻaỻ. Ymoel tu a|r maes a|dabre y ymwan
a|mi. a phan wel yn|tat ni hynny canmoledic
uyd gantaỽ. Ac yna y gỽelit dyrnodeu gan
uarchogyon ieueinc. A phan welas boỽn yr
ymwan. hoff uu gantaỽ. a thyngu. myn vym
penn heb ef. bachylereit da uyd y rei hynn o|r by+
dant vyỽ. ac yd ymerbynnant ac eu kyffelybyon.
Torri a|orugant eu gỽewyr. Kedyrn oedynt eu
ỻurugeu. nyt argywedawd neb o·honunt ar y
gilyd. Y|r arglỽydes ueir heb·y boỽn y|gorchym+
ynnaf amdiffyn ym vy meibon. ac yna y dywaỽt
boỽn o|lef uchel. gedỽch ar hynny weithon. A
phan|gigleu y meibon eu gỽahard. ỽynt a gyrch+
assant y ỻys yn gyflym. a phan y gỽelas y tat
ỽynt yn|dyuot. mynet yn eu|herbyn a|oruc. A
phan yttoedynt yn mynet. ef a|doeth sabaoth
att boỽn y erchi kennat. arglỽyd heb ef mi a
uynnaf gennat y uynet y|m|gỽlat. y ymwelet
a|m gỽreic ac a|m|tir a|m dayar. kanys seith mly+
ned yssyd yr pan deuthum o loegyr. Hỽde heb·y
boỽn y uanteỻ honn o eur. a dỽc y|th wreic. ac
anrecka y gennyf i hi o|r ffiol honn. kany chaf+
fat eiryoet ffiol weỻ no hi. Ac yna yd ymiacha+
aỽd sabaoth a|boỽn. ac a|r niueroed. ac yn rith
pererin y kerdaỽd. a|e|fford a gymerth hyt pan
deuth hyt yn ciuil at terri y uab. ac odyna y
deut* fford att y pab y gymryt y benyt am y tri+
gyaỽ a|oruc y ỽrth y wreic briaỽt yn yr hyt y|bu.
Odyna yd|aeth hyt yn seint gilys. Ac yna yd a+
eth y|r ỻong. a|dyrchauel hỽyl. a dyuot y ham+
tỽn a|oruc pann yttoedit yn canu cloch hanner
dyd. ac y ymyl porth y lys y|doeth. ac yno y ky+
hyrdaỽd y wreic a robaỽt y uab ac ef. ac erchi
ỻetty yr duỽ a|oruc udunt. ac yr mỽyn sabaoth
wynỻỽyt. Ny|th neckeir heb yr arglỽydes. Ac
yna mynet y·gyt ac ef y|r neuat heb odric. ac yna
y dywaỽt sabaot ỽrthi. arglỽydes heb ef dy an+
nerch y gan sabaot a|e deu uab. ac y|gan terri
dy uab. ac y|gan iosian. A|phan|gigleu hi hynny
| « p 227v | p 228v » |