Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 230v

Ystoria Bown de Hamtwn

230v

926

boỽn. ac y gynnic hynny idaỽ. ac y hamtỽn
y|doethant. ac annerch boỽn y gan y brenhin
a|orugant. a|menegi idaỽ am y gyfathrach
racdywededic. ac ual y doeth y ewythred ar|o+
gyfuch ac ef. ef a aeth dỽylaỽ mynỽgyl ud+
dunt. Arglỽydi heb·y boỽ diolchỽch idaỽ
yn uaỽr y ewyỻys. ny wydỽn i na bei dic ef
ỽrthyf|i. Nac yttiỽ ys|gỽir heb ỽynteu. na
uedylya. Ac yna yd|aeth boỽn a|riuedi ugein
mil o uarchogyon|dewron gyt ac ef hyt rac
bronn y brenhin. ac yna yd erchis y brenhin
idaỽ dyuot dỽylaỽ mynỽgyl idaỽ. a mynet
a|oruc ynteu. a dywedut a|oruc y brenhin ỽrth
boỽn. Mi a|rodaf vyg|karedic uerch. y|th
enrydedus uab di. a|diolỽch a|oruc boỽn idaỽ
hynny. Ac yna yd|erchis etwart urenhin
ar|ffrỽst peri dyuynnu milys uab boỽn
hyt rac y uronn. kanys uyg|karedic uerch
a|rodaf yn|wreic priaỽt. yna y|r eglwys yd
aethant y wneuthur eu priodas. ac escob ỻun+
dein a|gant yr efferen. Ac odyna yd aethant
y|r ỻys dywyssogaỽl. Ac yna y gelwis etw+
art urenhin ar|milys. Dyret yma heb ef
mi a|rodaf itt uy merch a|m brenhinyaeth
gyt a|hi. ac yn|y dyd hỽnnỽ yd|aeth eneit y
brenhin o|e gorff. ac yd aeth yr eneit y dru+
gared duỽ. a gỽylyat y corff a|orugant hyt
trannoeth. ac y cladyssant. ac y trigyỽys
milys yn urenhin. Ac yna yd ymgynnuỻ+
assant ygyt ieirỻ a|barỽneit. a gỽedy
bỽyt y rodassant eu|gỽrogaeth idaỽ Wei+
thon y mae boỽn o|hamtỽn yn urenhin
coronaỽc. a|e deu uab yn urenhined diol+
ỽch y duỽ. a|goruot ar eu|gelynyon. ac y
trigyassant ygyt pymthec niwarnaỽt.
Ac yna y gorchymynnỽys boỽn y uab
y sabaot. ac ynteu herỽyd y barabyl a|dyg+
aỽd yn|y uywyt na|bydei baỻedic idaỽ.
Ac yna y kerdaỽd boỽn urenhin racdaỽ
hyt yn hamtỽn. ac y|r borthua y doethant
ac y eu|ỻongeu. Ac yna y kymerth terri

927

gennat y uynet y wlat. a|r nos honno yd|a+
eth boỽn. y dinas cỽlỽyn. A thrannoeth y
bore kymryt y gennat a|oruc boỽn. a|cher+
det dros amryuaelon wladoed yny deuth+
ant hyt yn ruuein y dinas da. ac yno yd
oed archescob o|e urenhinyaeth ef a|e uab.
ac yn|drebelit y doet* y uab attaỽ. ac y|r mor
yd|aethant. ac ny orffỽyssassant yny|doeth+
ant hyt ym|mỽmbraỽnt. a|phan|doethant
y|r|ỻys yd|oed y urenhines yn glaf orweidaỽc.
A phan|welas hi y harglỽyd galỽ arnaỽ a|o+
ruc. arglỽyd heb hi claf iaỽn ỽyf i. ac ny
pharhaaf yneppell. a|phan|gigleu y brenhin
hynny ynuydu hayach a|wnaeth. a|dywe+
dut arglỽydes o|r|bydy uarỽ di. Minneu a
uydaf uarỽ gyt a|thi. arglwyd heb hi pỽy
a|gynneil dy|gyuoetheu ditheu urdedic. argl*+
ydes heb ef ny|m|daỽr o·honunt. Eissoes di+
olchaf y duỽ y mae im tri meib a|aỻant kyn  ̷+
nal vyg kyuoetheu. ac yna y peris ef galỽ
ar yr archescob ac y|dywaỽt ỽrthaỽ. Gỽna
orchymun vy arglỽydes. Mi a|wnaf arglỽ+
yd yn ufyd heb ef. Ac yna y kyffessaỽd hi ac
y|dywaỽt y hewyỻys. a thra yttoedynt yn
hynny ef a aeth boỽn y edrych y uarch. A|phan
doeth y|r ystabyl ef a|welei y uarch yn uarỽ. ac
yna yd ymhoeles dan wylaỽ. ac yna y|doeth
y uab attaỽ o|e hyfryttau. ac mal kynt abre+
id na choỻes y synnỽyr. ac y|deuth y mab
att y uam ac y|dywaỽt ỽrthi. vy mam heb
ef yd|ỽyt yn ỻad vyn tat. Kanys kymeint
yỽ y duchan ac na bu eiryoet y gymeint.
vy mab y tec heb hi galỽ ar|boỽn yma. Ac
yna y redaỽd y mab yn ol y dat. vyn|tat y
tec heb ef bryssya att uy mam. a|phan|w+
elas boỽn|hi y kymerth y·rỽng y ureicheu.
a|gorchymun a|orugant gi eu mab y|duỽ.
Ac ar|hynny y teruynassant ỽy eỻ|deu. ac y
doeth yghwanec y gant o engylyon y
dỽyn eu heneideu y|r nef att duỽ. Eu|gỽy+
laỽ a|orugant y nos honno hyt trannoeth.