Breudwd Welsh Prose 1300-1425
Cymraeg

Philadelphia MS. 8680 – page 44r

Brut y Brenhinoedd

44r

93

arthur a|oruc. ac ymauael
yndaỽ am y wregys. a|e|drauo+
di yny uyd ar|benn y|lin y|r
ỻaỽr. Ac yn|y ỻe galỽ y|ner+
thoed attaỽ a|ỻithraỽ o|e dỽy+
laỽ. ac o|bopparth idaỽ y fustaỽ
yr aghenuil hỽnnỽ a|r cled+
yf hyt pan|gauas agheuaỽl
dyrnaỽt a|r cledyf yn|y benn
hyt yr emnennyd*. Ac yna
diaspat a|dodes y kaỽr. a|megys
derỽen a|diwreidei gan y gỽ+
ynt syrthaỽ gan|diruaỽr dỽ+
rỽf a|oruc. a chwerthin a|oruc
arthur. ac erchi ỻad y benn
y uedwyr. a|e rodi att un o|r
gỽeisson o|e|dỽyn y blith y|ỻu
o|e dangos en|ryuedaỽt. ac
ueỻy y gỽnaethpỽyt. ~
Ac yna y dywaỽt arthur na
ry|gaỽssei eiryoet yr eilgỽr
kyn|dewrhet a|hỽnnỽ. eithyr
ricka gaỽr a ymladyssei ac ef
ac a|ladyssei yn eryri. Hỽnnỽ
a|wnathoed idaỽ pilis o uar+
ueu brenhined a|ladyssei. 

94

ac anuon a|oruc hỽnnỽ
att arthur. y erchi idaỽ blig+
aỽ y uaryf e|hunan a|e an+
uon idaỽ ef. A megys yd
oed arthur yn bennaf ar
y brenhined. Ynteu a|dodei
y varyf ef yn uchaf ar y
pilis o|r barueu ereiỻ oỻ
yn enryded y arthur. ac
ony wnelhei ef hynny. er+
chi y arthur dyuot y ymlad
ac ef. a|r trechaf o·nadunt
kymerei bilis a|baryf y
ỻaỻ. A gỽedy eu|mynet
y ymlad y cauas arthur
y uudugolyaeth. ac y kym+
erth uaryf y kaỽr a|e|bilis.
A gỽedy hỽnnỽ ef a|dywaỽt
na|chehyrdassei ac ef eiryoet
yr eil gỽr kyn dewrhet a|r
ỻaỻ. A gỽedy caffel o
arthur y uudugolyaeth
honno. yn yr eil wylua o|r
nos ỽynt a|deuthant y eu
pebyỻeu a|r penn gantunt.
a|r toruooed* bob eilwers yn