Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 239r

Diarhebion

239r

960

*Yach ryd; ryuedaỽt py|gỽyn. 
Ys gỽeỻ cant messur; no chan trỽch. 
Ys dir ỻad y gỽaet*; ỽrth reuet y troet. 
Y kar kywir; yn|yr yng. 
Ymchoelyt duỽ y laỽ; yn|yr ayafnos. 
K yffes; pob rỽyd. Kan mil*; gỽreic. 
Keisset baỽp; dỽfyr y long. 
Kytles y baỽp; galỽ yr ychen. 
Kyn boet da; nyt maỽrda. 
Keisset kesseil y uam; a goỻo. 
Kennuygir; pob newyd. 
Kyt ysso kic march; bit ar gic ebaỽl. 
Kennat hỽyr; drỽc y neges. 
Kerhit chwaer diryeit; kynny|charer. 
Kerhit yr auyr y mynn; pyr yn|du. pyr yn wynn.
Kyfnewit; a|haelon. 
Kymwedac corrach; a sinnach. 
Kymyrrit hayarn; hoedyl dyn. 
Kyfarỽydon gỽrach; waeth. 
Kyfarỽydaf ỻaỽ; yny dotto. 
Ky diheuet; ac yssu o|r ki y kỽỻtyr. 
Keneu maỻ; a gast lem. 
Ki chỽyrnat; halaỽc y beis. 
Kyrch y ki; ar y vreuan. 
Kyrch kar; batan. [ mỽyn a|e macko.
Keneu milgi a morỽyn; ny cheiff eu mỽ
Kyfrif am|vỽyt; kenedyl am|ofit. ~
L laỽ paỽp; ar y anaele. 
Llaỽ ỻiaỽs; am|weith. 
Llỽm tir; ny|s porho dauat  
Lledit moỻt; nỽy diuyd. [ gartref
Llonn costaỽc; ar y domenn e|hunan.
Llonn vyd y kolỽyn; o arffet y|arglỽyd.
Llonn vyd y|ỻygoden; pryt na bo y gath.
Llygat kywrein; ym penn aghywrein.
Llygat duỽ; vch adne. 
Llymaf vyd y gỽaeỽ; o|e vlaen. 
Lleas paỽb; pan ry dyngher. 
Llaỽer am|haỽl; ac ny|m|dyly. 
Llỽyth gỽr; y goruc. 
Lleilei lymeit; yg|gayaf. 

961

Lle; nyt kywestỽch. [ ỽyneb ys gỽna gỽarth.
Llỽm o uann; a|tham o dorth; ny cheidỽ
Llafuryus; laỽ gywrein. 
Llei maen; yn oerdỽfyr.
Lle|bit bỽyt; ny bo beichaỽc. ~ ~ ~
M oes bop tut; yn|y thut. 
Mal y moỻt; y|meud gỽrgunan. 
Mab heb gosp; ty a|losc. 
Mal ederyn; ar y|geing. 
Mal dryc·uonhedic; ar y ueich. 
Mal cogeil; gỽreic uuscreỻ. 
Mei oer; a wna ysgubaỽr dỽym. [ voryaỽc
Meheuin heulaỽc; a wna medel y uoch
Mab cof; gỽrach gof. 
Myna bych gyfarỽyd; kyuarch. 
Moch varn; pob ehut. 
Moch dysc naỽf; mab hỽyat. 
Mal moel; rỽng dỽy leithyc. 
Mel y|ar; goỻen. 
Mam vechan; a|diuanỽ y phlant. 
Molyant gỽehyd; y uarỽ. 
Molet paỽb y ryt; mal y kaffo. 
Meithryn; chỽilerin ym mynnỽes. 
Marchaỽc a|uyd; gỽedy gỽyl. 
Mal kymỽedach; y kỽn. 
Mal bỽyt; hela. ~ ~ ~   [ y wac.
N y wyr yr hỽch laỽn; py wich py waich
Nyt ef hỽnn; y mis ny|s|gỽnn. 
Nyt mynychtit; maeroni. 
Ny chret eidic; a tyngher. 
Ny rodir gỽlat; y uut. 
Ny chynghein gỽarthal; gan dewis. 
Ny choỻes y gyfrif; a|dechreuaỽd. 
Ny choỻes mam; enmyned. 
Ny|cherir; neỽyn uam. 
Ny dỽc newyn; man gỽisson*.
Nyt y uam; a dyweit y baỽb. 
Ny elwir coet; o vn prenn. 
Nyt ỻei y kyrch gỽr y leith; no|e|gyuarỽs.
Ny chryn ỻaỽ; ar uab dysc. 
Ny chyfeirch anghen; y borthi. 

 

The text Diarhebion starts on Column 960 line 1.