Breudwd Welsh Prose 1300-1425
Cymraeg

Oxford Jesus College MS. 111 (The Red Book of Hergest) – page 241r

Diarhebion

241r

968

Eithyr gaỻu; nyt oes dim. 
Estrut dryc·uab; yn|ty araỻ. 
Egyl penn fford; diaỽl tal pentan. 
Eỻỽng drycỽr; yn|yscubaỽr gỽr da. 
Elhit yscubaỽr; gan dryctorth  
Elhit un; y gant. 
Elhit cant; yr un. 
Elhit ỻaỽ; gan|droet. 
Ebaỽl yr ebaỽl; y duỽ. 
Eechỽyn*; yỽ nac. 
Ergyt yn ỻỽyn; cussul heb erchi. 
Ennwaỽc na rannaỽc; meichat o|e voch.
Ef a|uyd am y meid; ar ny bu am y caỽs
Faỽt paỽb; yn|y dal. 
Fo rac dryctir; na ffo rac dryc·arglỽyd. 
G weỻ kadỽ; noc olrein. 
Gweỻ; no geu edewit. 
Gweỻ mared gỽr; noc un gỽreic. 
Gweỻ idaỽ a|urder; noc a|uonheder. 
Gweỻ nerth y dỽy|wrach; na nerth yr vn.
Gweỻ bed; no buched aghenaỽc. 
Gweỻ trỽch; noc arofunyat. 
Gweỻ un hỽde; no deu adaỽ. 
Gỽeỻ ediuarỽch gỽerthu; noc ediuarỽch prynv.
Gỽeỻ un dyrnaỽt a|r ord; no deu a|r mỽrthỽl. 
Gỽeỻ goleith meuyl; no|e dial. 
Gỽeỻ mam godaỽc; no that riedaỽc. 
Gỽeỻ byrr eisted; no hir seuyỻ. 
Gỽeỻ duỽ; ỽrth y uoli. 
Gỽeỻ duỽ yn gar; na ỻu y|dayar. 
Gỽeỻ wyneb; no gỽala. 
Gỽeỻ golut; no ryssed. 
Gỽeỻ agor; no chynnỽys.  [ a|diryeit.
Gỽeỻ am y paret a detwyd; noc am y tan
Gỽeỻ gỽegil y kar; noc wyneb yr|estraỽn.
Gỽeỻ yd ymgynnỽys got noc etdifyaỽc.
Gỽeỻ kar keỻ; no char pennhiỻ. 
Gỽeỻ gỽr; no|e rann. 
Gỽeỻ un|gỽr da; no deu drỽc. 
Gỽeỻ cul kyfa; no|bỽrr aghyfa. 
Gỽeỻ gỽestei gỽr; noc un gỽreic. 

969

Gỽeỻ gỽr; no gỽyr. 
Gỽeỻ un croen; no deu uudelỽ. 
Gỽeỻ tewi; no drycdywedut. 
Gỽeỻ rann ofyn; no rann garu. 
Gỽeỻ hen haỽl; no hen alanas. 
Gỽeỻ ry draỽs; no ry druan. 
Gỽeỻ aros o aỻtuded; noc aros o ued. 
Gỽeỻ kynnil; no chywreint. 
Gỽeỻ rann olchi; no rann lyngku. 
Gỽeỻ tolyaỽ; no heilyaỽ.  [ ar|yr hydot
Gỽeỻ hanner hac; no hanher|a. 
Gỽeỻ bot yn benn ar yr iyrch; noc yn|ỻoscỽrn.
Gỽeỻ buarth hesp; no buarth gỽac. [ vndyn.
Gỽeỻ camu yr undyn; noc vn vuch yr
Gỽeỻ dỽylaỽ y kigyd; no dỽylaỽ y sebonyd.
Gỽeỻy veuyl uot; no|r ueuyl gerdet. 
Gnaỽt anaf; ar diheid. 
Gnaỽt as|tyr ar orchymun. 
Gnaỽt kyssul detwyd; gan doeth. 
Gnaỽt aelỽyt diffyd; yn|diffeith. 
Gadu drỽc ac un veuyl; a|e chymryt a e|dỽy.
Gan rywyd; nyt peỻ vyd rin. 
Gỽare; mi|trech. 
Gỽr paỽb; yn haf. 
Gyrr vab; a|th uanac. 
Gỽirion paỽb; ar y|eir. 
Gỽedỽ pỽyỻ; heb anmyned. 
Gỽas gỽreid; kyn|no|e gerdet. 
Gỽae a|dycko; y henwas y lys. 
Gordiwedit; hỽyr uuan. 
Goreu gỽare; tra atter. 
Gennit ym|weis; hyt yn|ty duỽ. 
Gỽare; gỽeli hir. 
Gennit ry·buchet; rỽng ỻaỽ a ỻawes.
Goreu kamhỽri; ketwit. [ ny byd teu.
Gỽarthec araỻ yn adneu; pan uo whechaf
Gỽae: digaryat ỻys. 
Geneu mỽyalch; ac arch bleid. 
Goreu neỽyn; vn aryant. 
Gorỽac y|weith; a uaeth y uachteith. 
Gỽeith ysgaỽn; ymoglyt