Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 25r

Y bedwaredd gainc

25r

97

mi a af hẏt attaỽ. ac ẏna ẏ|doeth  ̷
hi hẏt ẏ llong. a phan doeth ẏd
oed ef ẏn llunẏaỽ. a|r mab ẏn gỽ  ̷ ̷+
niaỽ. Je arglỽẏdes heb ef dẏd da
it. duỽ a ro da it heb hi. Eres ẏỽ
genhẏf na uedrut kẏmedroli
esgidẏeu ỽrth uessur. na uedreis
heb ẏnteu. mi a|ẏ medraf ỽeith  ̷+
on. ac ar hẏnnẏ llẏma ẏ drẏỽ ẏn
seuẏll ar wỽrd ẏ llog. Sef a|ỽna  ̷ ̷+
eth ẏ mab ẏ uỽrỽ a|ẏ uedru ẏrỽg
gieỽẏn ẏ esgeir a|r ascỽrn. Sef a
ỽnaeth hitheu chỽerthin. Dioer
heb hi ẏs llaỽ gẏffes ẏ medrỽẏs
ẏ lleu ef. Je heb ẏnteu aniolỽch
duỽ it neur gauas ef n enỽ. a
da digaỽn ẏỽ ẏ enỽ. lleỽ llaỽgẏf  ̷+
fes ẏỽ bellach. ac ẏna difflannu
ẏ gueith ẏn delẏsc ac ẏn ỽimon.
a|r gueith nẏ chanlẏnỽẏs ef hỽẏ
no hẏnnẏ. ac o|r achaỽs hỽnnỽ
ẏ gelỽit ef ẏn drẏdẏd eur grẏd.
Dioer heb hitheu ni henbẏdẏ
well di o|uot ẏn drỽc ỽrthẏf|i. Nẏ
buum drỽc i etỽa ỽrthẏt ti heb
ef. ac ẏna ẏd ellẏngỽẏs ef ẏ uab
ẏn|ẏ brẏt e|hun. ac ẏ kẏmerth
ẏ furẏf e|hun. Je heb hitheu i
minheu a|dẏghaf dẏghet ẏ|r
mab hỽnn. na chaffo arueu
bẏth ẏnẏ gỽiscof|i ẏmdanaỽ. ẏ  ̷+
rof a duỽ heb ef handid o|th direi  ̷+
di di. ac ef a geif arueu. ẏna ẏ
doethant ỽẏ parth a|dinas dinllef.
ac ẏna meithrẏn lleỽ llaỽgẏffes
ẏnẏ allỽẏs marchogaeth pob  ̷

98

march ac ẏnẏ oed gỽbẏl o brẏt  ̷ ̷
a|thỽf a meint. ac ẏna adnabot  ̷
a|ỽnaeth gỽẏdẏon arnaỽ ẏ uot  ̷
ẏn kẏmrẏt dihirỽch o eisseu i
meirch ac arueu. a|ẏ alỽ attaỽ
a ỽnaeth. a ỽas heb ẏnteu ni a
adn ui a|thi ẏ neges auorẏ. a
bẏd laỽenach noc ẏd ỽẏt. a|hẏn+
nẏ a|ỽnaf inheu heb ẏ guas.
ac ẏn ieuengtit ẏ dẏd tranno+
eth. kẏuodi a ỽnaethant a chẏ+
mrẏt ẏr ar·uordir ẏ|uẏnẏd parth
a brẏnn arẏen. ac ẏn|ẏ penn uch+
af ẏ geuẏn clutno ẏmgueiraỽ
ar ueirch a ỽnaethant a dẏuot
parth a chaer aranrot. ac ẏna
amgenu eu prẏt a|ỽnaethant
a chẏrchu ẏ porth ẏn rith deu
ỽas ieueinc eithẏr ẏ uot ẏn pru+
dach prẏt gỽẏdẏon noc un ẏ|gu+
as. E|porthaỽr heb ef dos ẏ|mẏỽn.
a|dẏỽet uot ẏma beird o uor+
gannỽc. ẏ porthaỽr a aeth. Grae+
ssaỽ duỽ ỽrthunt gellỽng ẏ|mẏ  ̷+
ỽn ỽẏ heb hi. Diruaỽr leuenẏd
a uu ẏn eu herbẏn. ẏr ẏneuad
a gẏỽeirỽẏd ac ẏ wỽẏta ẏd aeth+
pỽẏt. guedẏ daruot ẏ|bỽẏta ẏm+
didan a|ỽnaeth hi a guẏdẏon i
am chỽedleu a chẏuarỽẏdẏt. Ẏn+
teu ỽẏdẏon kẏuarỽẏd da oed.
Guedẏ bot ẏn amser ẏmadaỽ
a|chẏuedach. ẏstauell a|gỽeirỽẏt
udunt ỽẏ ac ẏ gẏscu ẏd aethant
Hir bẏlgeint guẏdẏon a|gẏuodes.
ac ẏna ẏ gelỽis ef ẏ hut a|ẏ allu
attaỽ