BL Additional MS. 14,912 – page 14v
Meddyginiaethau
14v
yr vrin a|r dodeit a|r diỽẏthẏl a|r ieut+
taỽt a|r gẏnglennẏd a|r glessin a|r re+
gedaỽc a|r unssuc a|r godeil ẏ bẏwi
a|r hoccẏs [ ỻlẏmma mal y gỽneir
ẏ kẏuot hỽnnỽ kẏmrẏt ẏr hẏlithẏr
a|e gladdu o|e von a|e olchi ẏn da
a|e daveỻu ẏn van a|ẏ vriwaỽ mẏ ̷ ̷+
ỽn morter ẏn oreu ac ẏ gaỻer a bwrỽ
ẏr ẏssic ẏmeith ac odẏna dodi padeỻ
ar ẏ tan a|chẏmrẏt ẏ berỽ hỽnnỽ tra
gafer a dodi myỽn ỻiein crei ar ỽẏ+
neb ỻester ac odẏna y kẏmrẏt a|ẏ kẏ+
mẏscu a melẏn wi a|e gadỽ genhẏt
tra vẏnnẏch a|e wneuthur ẏn peỻen+
eu bychan a|e rodi ẏ|r claf. bolwẏst
dieithyr o|losceu a magleu ẏn ẏ cnaỽt
a ỻẏn ẏ gỽaredir dỽẏ dẏuaden a
daỽ ar ẏ gẏfeist·ed Sef wed ẏ gw+
| « p 14r | p 15r » |