BL Additional MS. 14,912 – page 81v
Arwyddion Calan Ionawr
81v
a|r deueit yn ỻỽyddyaỽ ac amledd o vel
a|r gỽrachiod yn merỽi. a thagnefed vydd
ar y ddayar. [ Os ar duỽ ỻun y byd
Gayaf kymysgedic vyd a gỽannỽyn
da a haf gỽynnaỽc tymestlus ny byd
da y gỽinỻaneu. ac ef a dybygei ddyny+
on y fynnnaỽ. maỻ a vyd ar ẏ gỽenyn
[ Os duỽ maỽrth vyd duỽ kalan
Jonaỽr. Gayaf kaỽadaỽc a gỽannỽyn
gỽynnaỽc a haf glaỽaỽc a maỻ a vyd
ar y gỽrageth a|r ỻongeu yn perigul
ar ẏ mor a meirỽ vyd y brenhined. a
frỽytheu maỽr a vyd ar y gỽinỻanneu
[ Os duỽ merchyr vyd duỽ kalan
Jonaỽr gayaf calet garỽ a vyd a gỽan+
nỽyn drỽc a haf da a|r gỽinỻanneu
yn da a|r gỽraged yn merỽi a ỻaỽer o
ddynyon yn gleifon a mel vyd amal
| « p 81r | p 82r » |