BL Additional MS. 19,709 – page 24v
Brut y Brenhinoedd
24v
pan yttiỽ yn gỽediav vyn trugared. i. a|chych+
wẏn a|oruc auarỽẏ a|dyuot gan vrẏs hyt ẏ
ỻe yd oed vlkessar a dygvydav yn darystyg+
edic rac y vron ef gan dywedỽt ỽrthaỽ yr
ymadraỽd hvn ỻema weith gloyỽ ac amlỽc
yỽ bot yn digaỽn ry dieleisti dy lit ar gas+
walaỽn. Gỽna weithon trugared ac ef beth
a vynny ti y gantaỽ ef amgen noc vfyd˄daỽt
a darystygedigaeth a|thalu teyrnget y rufein+
aỽl teilygdaỽt o ynys prydein. a gỽedy na ro+
des vlkessar idaỽ atteb y dywaỽt auarỽy ỽ ̷
ỽrthaỽ megys hyn. Tidi vlkessar heb ef hyn
a|dywedeis i itti gvedy goruydut ar gaswa+
ỻaỽn y kaffut darystygedigaeth a theyrn·get
itti o ynys. prydein. ỻyma gaswaỻaỽn gvedy gor+
uot arnaỽ. ỻyma ynys. prydein. yn darystygedic it
drỽy vy nerth|i a|m kanhorthỽẏ byeth a dyly+
af|i y|wneuthur ymlaen hynẏ itti. Nyt ef a
wnel creaddyr* nef a dayar diodef ohonaf. i.
karcharu kaswalaỽn vy arglỽyd. ac ynteu yn
gvneuthur iavn imi am y|sarhaet ry|wnath+
oed imi. Ednebyd ti vlkessar nat haỽd ỻad
kaswaỻaỽn a|mine|yn vyỽ y gỽr nyt kewylyd
genhyf rodi vy nerth idaỽ ony bydẏ ti vrth
vyg kygor. ac yna rac ofyn auarvy arafhau
a oruc vlkessar. a|thagnouedu a|chaswaỻaỽn
a|chymryt teyrnget o ynys|. prydein. pop blỽydyn
y gantaỽ. sef oed meint y|teyrnget. teir
| « p 24r | p 25r » |