BL Additional MS. 19,709 – page 44v
Brut y Brenhinoedd
44v
yn|y wlat honn yr hon yd vyt titheu yn|y ỻywyaỽ ac y+
n|y medu. a gvyn y vẏt a welei pei gỽledychut titheu
hihi byth drvy hedỽch. a gỽedẏ y hyspilaỽ veỻy o|e mar+
chogẏon y kyfodassant yn an|herbyn ninheu y gỽe+
diỻon truein a edewit yno yr ynyssed oc an kylch a|r
ynys oed frvythlavn o eur ac aryant a golu·doed
ereiỻ y|hanreithav yn gyn lỽyret ac nat edewit dim
yndi o|r y gaỻo neb ymossymdeithaỽ yndi eithyr y
neb a aỻo ymborth drvy hely. kanyt oed kedernyt
ymladwyr a aỻei vrthvynebu vdunt. ac y·gyt a hyn+
ny neur deryỽ y|wyr rufein blinav weithon na|cha+
ffvn y gantunt vy neb amdiffyn. ac vrth hẏnnẏ yd
ym ninheu yn gvediav dy|trugared titheu hyt pan
rodych ti nerth a chanhorthvy ac amdiffyn ohonot
dy hun y teyrnas yd vyt dylyedavc arnei. kany dyly
neb y goronhau yn weỻ no thi o goron gustenin a|max+
en wledic kanys y gvyr hẏnnẏ yssyd gereint itt. ac
vrth hẏnnẏ parotta lyges a dabre y gymryt teyrnas
ynys. prydein. a|minheu a|e rodaf itt hi y·rvg dy dvylaỽ ti.
ac ar hẏnẏ yd attebavd aldỽr yr archescob. a ỽrda
heb ef. ef a|uu amser na vrthodvn i teyrnas ẏnys. prydein.
o|bei a|e rodei ym. kanys mi a|tybygaf nat oes te+
yrnas frvythlonach na gveỻ|no hi tra geffit yn he+
dỽch. ac ar avr·hon eissoes kas yv genhyf. i. hi a|chan
pop tywyssavc kan kyfaruu dryc·tyghetuen a ryt
a hi. a|thros pop peth o|r a gyfaruu a hi dryc·arglvy+
diaeth gvyr rufein a argywedvys yn vvyaf idi hyt
na aỻei neb tywyssavc beỻach kynhal y theilygdavt
| « p 44r | p 45r » |