NLW MS. 24029 (Boston 5) – page 10
Llyfr Blegywryd
10
NAỽd ẏ bard teulu ẏỽ; hebrỽg ẏ|dẏn at ẏ
penteulu. NAỽd ẏ gostegỽr ẏỽ; o|r ostec kẏ+
ntaf a|dotto ẏnn|ẏ newad hẏt ẏ|diwetha.
NAỽd drẏssaỽr neuad ẏỽ; hebrỽg ẏ|vreich
a|hẏt ẏ|wialen parth a|r|porthaỽr. kannẏs
ef a|e herbẏn. NAỽd ẏ porthaỽr ẏỽ; cadỽ
ẏ|dẏn ẏ|rother naỽd idaỽ hẏt pan del ẏ|pen+
teulu trỽẏ ẏ|porth parth a|e letẏ. A|e ellỽg
gẏt ac ef ẏ|gẏmrẏt naỽd hẏt pan ada+
ỽho ẏ|dẏn diwethaf ẏ|llẏs. NAỽd drẏssaỽr
ẏstauell ẏỽ; hebrỽg ẏ|dẏn at ẏ|porthaỽr.
NAỽd morỽẏn ẏstauell ẏỽ; kẏmeint a
naỽd gỽas ẏstauell brenhin. Naỽd gỽast+
raỽt avỽẏn ẏỽ; tra wnel ẏ|gof llẏs pedol+
eu; ac eu to o|hoelẏon. a|thra bedolo amỽs
ẏ|brenhin. NAỽd ẏ canhỽẏllẏd ẏỽ; o|r pan
enẏnnher ẏ|ganhỽẏll gẏntaf hẏt pann
diffoder ẏ|diwethaf. NAỽd ẏ|trullẏat ẏỽ;
o|r pan dechreuher gỽallaỽ ẏ|gerỽẏn gẏn+
taf hẏt pan wallofẏer ẏ|diwethaf. NAỽd
ẏ|medẏd ẏỽ; o|r pan dechreuho parattoi ẏ|g+
erỽẏn ved hẏt pan darffo ẏ|chudẏaỽ. NA+
ỽd sỽẏdỽr llẏs ẏỽ; o|r pan dechreuho ranu
| « p 9 | p 11 » |