NLW MS. 24029 (Boston 5) – page 11
Llyfr Blegywryd
11
ẏ|bỽẏt hẏt pan gaffo ẏ|diwetha ẏ|uỽẏt.
NAỽd ẏ coc ẏỽ; o|r pan dechreuho troi ẏ|gol+
ỽẏth kẏntaf hẏt pan dotter ẏ|diwetha gẏr
bron ẏ|brenhin a|r vrenhines. NAỽd ẏ|troed+
aỽc ẏỽ; o|r pan dechreuho eisted dan traet
ẏ|brenhin hẏt o|e ẏstauell. NAỽd ẏ|medẏc
ẏỽ; o|r pan el o ẏstauell o arch ẏ|brenhin ẏ o+
uỽẏ claf hẏt pan del ẏ|r llẏs dracheuen.
NAỽd gỽastraỽt brenhines ẏỽ; kẏffelẏb
ẏ naỽd gỽastraỽt auỽẏn brenhin. NAỽd
ẏ kẏnnudỽr ẏỽ; hẏt ẏ|lle pellaf ẏ|del ẏ gyn+
nutta. a|chẏmeint ac a allo ẏ|uỽrỽ a|e ỽdyf.
Ẏ|kẏnnuttei a|r porthaỽr. nẏt ẏnt o|rif ẏ|pe+
twar sỽẏdogẏon ar|hugeint. Kẏnn no hẏn
ẏ|dẏwetpỽẏt am|noduaeu ẏ|petwar sỽẏd+
ogẏon ar|hugeint. pỽẏ|bẏnnac ohonunt
ẏ|torrer ẏ|naỽd neut sarhaet idaỽ. O me+
dẏginaetha ẏ|medẏc llẏs neb·vn brathedic
o wẏr ẏ|llẏs hẏt pan vo iach. ẏ|waetwisc a
geiff ef. a|r|tudedẏn uchaf ẏ|r brenhin pan
ẏmwelho gẏntaf ac ef. Am|noduaeu ẏ
dẏwetỽẏt kẏn no hẏnn; Weithon ẏ|dẏ+
wedỽn peth a|dẏlẏir ẏ dalu dros sarhaet
| « p 10 | p 12 » |