NLW MS. 24029 (Boston 5) – page 111
Llyfr Blegywryd
111
fuusseu. Whe|bu a|wheugeint arẏant
ẏỽ gỽerth pob vn ohonunt. O|R trẏchir
clust dẏn ẏmdeith; a chlẏbot o|r dẏn ar ̷+
naỽ mal kẏnt; dỽẏ vu. a|deugeint arẏ ̷+
ant a|tal. Gwerth bẏs dẏn; buch. ac
vgeint arẏant. Gwerth baỽt; dỽẏ
vu. a|deugeint arẏant. Keilleu; kẏm+
eint ẏỽ eu gỽerth a|r aelodeu vrẏ oll.
Tauaỽt e|hun; kẏmeint ẏỽ ẏ werth
a|gỽerth ẏr holl aelodeu. Sef a|tal ael ̷+
odeu dẏn pan gẏuriuer ẏgẏt; Wẏth bu ̷+
nt. a|phetwar|vgeint punt. Pedeir
ar|hugeint ẏỽ gỽerth gỽaet pob rẏỽ
dẏn. Dec ar|hugeint vu werth gỽaet
crist. Ac anheilỽg ẏ gỽelat vot gỽaet
duỽ. a|gỽaet dẏn ẏn vn werth. Ac ỽrth
hẏnny gỽaet dẏn ẏssẏd lei ẏ|werth.
Gwerth racdant dẏn; pedeir ar|huge ̷+
int gan tri dẏrchauel. Gwerth kil ̷+
dant dẏn; dec ar|hugeint. Pan dalher
racdant; gỽerth creith ogyuarch a|te+
lir gantaỽ. Gwerth creith ogẏuarch
ar|wẏneb dẏn; wheugeint ẏỽ. Os ar
ẏ|laỽ; ẏ|bẏd. trugeint a|tal. Os ar|ẏ|tro+
et; dec ar|hugeint a|tal. SArhaet dẏn
| « p 110 | p 112 » |