Breudwd Welsh Prose 1300-1425
Cymraeg

NLW MS. 24029 (Boston 5) – page 174

Llyfr Blegywryd

174

reint arall wneuthur gorthrẏmder ẏn
erbẏn kẏureith idaỽ. ef a|dẏlẏ caffel
deturẏt am hẏnnẏ. Ac os deturẏt
gỽlat a|dẏweit vot ẏn wir hẏnny.
ẏnn|ẏ lle; ẏ dẏlẏir iaỽnhaỽ hẏnnẏ.
A hỽnnỽ ẏỽ ẏ|dosbarth kẏffredin rỽg*
penhaf ẏgỽrỽg* ẏr arglỽẏd a|e wẏr. ẏn
erbẏn ketternẏt arglỽẏd. Y neb a
watto galanas a|e haffeitheu heb adef
dim; llỽ degwẏr a deugeint a|dẏrẏ Ac
vellẏ ẏ|dẏrẏ o|r gwedir vn ohonunt.
Y neb a|watto ẏmlad; lle nẏ lladher
dẏn; herỽẏd meint ẏ|sarhaet ẏ|dẏrẏ
ẏ|reith. O|r gỽneir anaf ar dẏn trỽẏ
ẏmlad; trỽẏ ẏ llỽ degwẏr a deugeint.
a|dẏrẏ. O|r bẏd gỽaet. neu gleis. gỽaet
o|benn hẏt gỽll. o|lỽ tri dẏn ẏ|gỽedir.
Gỽaet o|benn hẏt wregẏs; o|lỽ whech ẏ
gỽedir. O|benn hẏt laỽr; o|lỽ naỽ nẏn
ẏ|gỽedẏr. Ac vellẏ ẏ|gỽedir cleis a|tric+
cẏo tri naỽ diwarnaỽt. Y neb a|wa+
tto llosc. neu ẏ haffeitheu; llỽ degwẏr
a|deugeint a|dẏrẏ. Ac o|r llosgir dẏn ẏ  ̷+
no; tri dẏn diofredaỽc a|dẏlẏant vot
ẏnn|ẏ reith. LLourudẏaeth a|vo kẏn  ̷+