NLW MS. 24029 (Boston 5) – page 94
Llyfr Blegywryd
94
hẏnnẏ el deturẏt ẏmdanaỽ. rỽg ẏr
haỽlỽr a|r amdiffẏnnỽr gan|tẏgu ẏn dẏ+
lẏedus ẏ|vot ẏn wir. neu nat gwir. Ac
ẏno heuẏt ẏ|brenhin a|dẏlẏ kẏmell ẏ
wẏr ẏ|r creir ẏ|tẏgu eu dewis. Lle ẏ|per+
thẏno deturẏt gỽlat; gwẏr ẏ|llẏs oll
bieu tẏgu. eithẏr ẏr rei allo ẏ|kẏnnen+
usson eu llẏssu o|gẏureith.
P Edeir tarẏan ẏssẏd; a gerd+
ant ẏn llẏs rỽg kẏnnenuss+
on a reith gỽlat. neu detrẏt
gỽlat. megẏs kadỽ guesti
am letrat kẏssỽẏn. A|chadỽ
kẏn coll. A geni a|meithrẏn am|ele·trat
gỽaessaf. neu treis. neu agkẏuarch h+
eb treis. heb letrat. Ac nẏt cỽbẏl ỽr+
theb. ac nẏt cỽbẏl diheuraỽ. Ac nẏt
cỽbẏl amdiffẏnn ẏn vn o|r|teir kẏntaf
ẏ|r neb a|e kaffo. namẏn h kanhorthỽẏ
mal ẏ|bo haỽs ẏ|gredu trỽẏ ẏ|tarẏan a
gaffo no hebdi. Ac vellẏ galỽ gỽarant;
nẏt cỽbẏl ỽrtheb. nẏt cỽbẏl diheur+
aỽ diogelrỽẏd. namẏn keissaỽ neb·vn
a|ỽrthepo drostaỽ. Ac a|wnel cỽbẏl dro+
staỽ. Ac ỽrthi hẏnnẏ pỽẏ|bẏnnac a|ga+
| « p 93 | p 95 » |