BL Cotton Cleopatra MS. A XIV – page 74v
Llyfr Cyfnerth
74v
Ac ony thal y talaỽdyr yna. talet y mach e
hunan. A phan gyuarffo y mach ar talaỽ+
dyr yspeilet ef oc a| uo ymdanaỽ o dillat e+
ithyr y pilyn nessaf idaỽ. A gunaet uelly
uyth yny gaffo tal o| gỽbyl y gantaỽ. Or
byd marỽ y talaỽdyr ac na chaffo talu y da
yn| y gymun ỽrth neb. dyget y mach y ue+
chniaeth dros y marỽ a thalet y teir ach
nessaf idaỽ. ar mach bieu kymell kystal ac
ar y talaỽdyr bei byỽ. A chyt dycco mach y
uechniaeth dros lud arglỽyd ny chyll na
dirỽy na chamlỽrỽ. Or byd marỽ mach
dyn kyn talu or talaỽdyr drostaỽ y uech+
niaeth. doet yr haỽlỽr ar y seithuet or dy+
nyon nessaf y werth uch pen y uach. A| th+
ygent y uot yn uach or caffant y bed. Ac o+
ny chaffant y bed tygent uch yr allaỽr
gyssegyr y uot yn uach ac y uelly y keiff
y da. Y neb a adefho dylyu da idaỽ talet
yn diohir pan ouynher eithyr yn| y teir
gỽyl arbenhic. Y nadolyc ar pasc ar sul+
| « p 74r | p 75r » |