BL Cotton Cleopatra MS. B V part i – page 18r
Brut y Brenhinoedd
18r
kynnal y vreint a|y anryded ganthaw yna yn
well nogyt yn llys maglawn. A llawen vu hen+
wyn wrthaw a|y dreithu yn enrededus mal
y dylyei. ny doeth hagen penn y mis a|blwyd+
dyn. yny lidiawd Ragau y verch wrthaw rac
meint y niuer. ac erchi idaw ellung y holl ni+
ver ymeith eithyr pymp marchawc. a|thyghu
na chynaliei hi onyd hynny wrth y osgord ef
a digon oed genthi hynny. A gwedy goruod
arnaw ellung y uarchogion ymeith doluriaw
a oruc am y hen deilygdawd. ac ymchwelud eil+
weith ar y verch er hynaf o debygu y|trugarhae
wrthaw a chynnal y|deilyngdawt ganthaw. Ac yna
y tynghawd hitheu y gyuoytheu nef a daear na chyn+
halieu hi onyd vn marchawc gyd ac ef. a hynny
oed digon genthi. gyd a bod marchogion y har+
glwyd hitheu wrth y orchymyn ef. A gwedi na
chaffei ef dim o|y adolwyn. ellwng a oruc y uarcho+
gyon ymeith oll dieithyr vn marchauc a|drigawo*
gyd ac ef. Ac yna gwedy medyliaw am y hen
deylyngdaud ry gollassei a|y digrifwch a|y geder+
nyd goueilieint a gymyrth yndaw a thristau
hyt ar angheu. Ac yna y doeth cof idaw geirieu
y verchet ac ev hedewid. Ac yna y gwybu vod
yn wir a|dywedassei Cordeilla y verch wrthaw.
mae val y bei y iechit a|y gedernyt a|y gyuoeth
y kerid ef. Ac yna medyliaw a oruc gouoy*+
aw Cordeilla y verch y ervynneit y|thrugared.
ac y edrych o chaffei ef amdiffin yn|y byd gen+
| « p 17v | p 18v » |