BL Cotton Cleopatra MS. B V part ii – page 205v
Llyfr Cyfnerth
205v
Cweugeint* yw abediw pob gwr.
Chweugeint yw abediw pob gwassa+
naethwr arglwyd. Chwech a|phedwar|ỽ+
geint yw abediw taeawc tiryawc. O|byd
eglwys ar y tir haner pỽnt vyd y ebediw
Pedeir ar|hugeint a dal gwr ystauelloc
yn|y ebediw. Y|neb a|diwatto y ỽod wrth an+
reith. Roddet lw deng wyr a|deugein.
MAl hynn y rennir aryant gwestva+
eỽ. Dwy geinnyawc a|geiff y distein
iiii.a|geiff y|trullyad neỽ tudet y|gerwyn.
ar dewis y|nep a|e talho.ij. yr dryssawr y|ne+
uad. ỽn a|gymer y metyd. ỽn a|daw yr go+
stegwr.iiii. a|daw yr coc.ii. a|geiff swydwyr
y|llys.ii. a|geiff gwas ystauell. ỽn a|geiff i
distein y ỽrenhines. ỽn. yr troedawc. ỽn yr
kanwyllyd. Vn yr dryssawr ystauell. Vn
y dryssawr ystauell y vrenhines
Ceinhyawc yw gwerth oen tra dynho
pan beityo adynỽ. dwy geinyawc ky+
| « p 205r | p 206r » |