Breudwd Welsh Prose 1300-1425
Cymraeg

BL Cotton Cleopatra MS. B V part ii – page 220r

Llyfr Cyfnerth

220r

ir bangor yn tri lle ar y pared. nyth telhiir
eỽ llwgyr. O dyn biben brenhin. cheugeint*
a|tal. o|byd ty oduchty. O dyn biben breyr
trugein a|tal o|byd tu oduchty. O|dyn biben
tayawc.xxiiii. o|byt ty oduchty. Pob odyn
ar ny bo ty oduchdy. hanerauc uyd ar rei
gynt. herwyd breint eỽ perchenogyon. E|nep
a|gyneuho tan yn odyn. kymered mach neỽ
fyd y|gan y|llall a grasso gwedy ef. A|hynny
yn gwyd tystyon. Ac ony|s kymer bid yn deỽ
hanner yrynghunt y|tal o|r gwall a|del. E
ty kyntaf a losgo yn|y tref o walltan. a|del.
talhet y|deỽ ty gyntaf o|r dref a|enynho talher
y rei hynny. A|bid deỽ hanner vyd y|tal y|rwng
y|neb a|rodo y|tan ar hwnn a|y llosgo. Y|nep
a|uenfyccyo ty a than yndaw y arall o|r kyn+
heỽ hwnnw tan yn|y ty teir|gweith. ny|thal
y|kyntaf dim kyd lloscco y ty.
Pymhettyd kyn gwyl uihanghel y dyly
y|brenhin gwahard y|goed. hyd ym|phen.