Breudwd Welsh Prose 1300-1425
Cymraeg

BL Cotton Titus MS. D IX – page 13r

Llyfr Blegywryd

13r

hỽnnỽ a|ỽneir vrth y dỽygeill. ac velly y|ro+
dir. ynteu a|dyly rodi gan bop march keby+
styr. Ef a|dyly y braỽdỽr y|varch yn|gyỽeir.
Y|braỽdỽr a dyly dangos idaỽ ef y|gyureith.
a|e|dylyet ynn rat. Ef a|geiff y|tir yn|ryd
y|gan y|brenhin. a|e varch a geiff dỽyrann
o|r ebrann. lle y|pennguastraut a|e|gytym+
deithonn yn|y neuad vrth y|golofyn nessaf
y|r brenhin. Ef a|r|pennkynyd. a|r|troetaỽc.
nyt eistedant yn|y neuad vrth y|paret. pob
vn ohonunt a ỽyr y le. Ef a dengys ystabl  ̷+
eu y|r meirch. ac a|rann y|hebranneu. Ef a  ̷
geiff trayan dirỽy. a chamlỽrỽ pob vn o|r
gỽastrodyonn. Ef a|geiff capan y|brenhin o|r
byd crỽyn vrthaỽ. Ef a geiff ysparduneu
y|brenhin o|r bytant eureit. neu aryaneit.
neu euydeit. Ef a geiff o|r cỽrỽf cornneit
llaun gyt a|e ancỽyn. a|e verch a|vyd vn
vreint. a|merch y kynyd. Y|ebediỽ vyd punt
a|hanner. Pennguastraỽt a geiff y|gan y  ̷ ̷
distein. cornneit. neu ffioleit. yd|yffo y|bren+
hin ohonaỽ o|r med. ac arall y|gan y|penteu  ̷+
lu. a|r|trydyd y|gan y|vrenhines. 
P Ennkynyd a|dyly caffel y gan y|distein
y gayaf. croen ych y|ỽnneuthur kynn+
llauaneu. LLamysten dof a|geiff bop