BL Cotton Titus MS. D IX – page 3v
Llyfr Blegywryd
3v
raỽ. O|Tri mod y|telir sarhaet i|r y|vrenhin+
es. pan torrer y|naud. neu pann traỽher
trỽy lit. neu pan tynner peth gan treis
o|e llaỽ. Trayan guerth sarhaet bren ̷ ̷+
hin a|telir y|r vrenhines dros y sarhaet.
heb eur a|heb aryant. BRenhin a|dyly
vn gỽr ar bymthec ar|hugeint o|wyr
ar veirch yn|y getymdeithas. nyt am+
gen. y|petỽar sỽydaỽc ar|hugeint. a|r
deudec guestei. a|e teulu. a|e vchelỽyr.
a|e vaccỽyeit. a|e gerdoryonn. a|e redu+
ssonn. Gwrthtrychyat nyt amgen. yr
etlig yr hỽnn a|dylyho gỽledychu gue+
dy ef a|dylyir y enrydedu ymlaen paỽb
yn|y llys eithyr y|brenhin a|r|vrenhines.
a|hỽnnỽ vyd mab neu vraỽt y|r bren+
hin. Y le a|uyd yn|y neuad am|y|tan a|r
brenhin. ac y|nessaf ydaỽ y|braỽdỽr yr+
rydhaỽ a|r golofyn. ac yn eil nessaf
idaỽ yr offeirat teulu. ac o|r parth arall
y|r etlig pennkerd y wlat. Guedy hỽn+
nỽ nyt oes le dylyedus y|neb o|r parth
hỽnnỽ. Gỽerth yr etlig yỽ kyffelyb
| « p 3r | p 4r » |