Cardiff MS. 1.363 (Hafod 2) – page 147v
Brut y Brenhinoedd
147v
parth hỽnnỽ yr llwyn a chymryt e kyf+
fyon henny ar traỽsprenny ac eỽ gossot
en eỽ kylch ac eỽ gwarchay ena megys na
cheffynt ac na ellynt mynet odyna. kanys
ef a ỽynney eỽ gwarchae en e lle honno en ky+
hyt ac e|bydey reyt ỽdvnt dyvot y law ydaỽ
neỽ enteỽ a vydynt|ỽarỽ o newyn. Ac gwe+
dy darỽot gwneỽthỽr e kae hvnnỽ ef a erc+
hys yr torỽoed ac er bydynoed damkylchynỽ
e llwyn. ac eno try dyeỽ a theyr nos e bvant.
Ac gwedy gwelet o|r saysson nat oed ỽdvnt dy+
m a bwyteynt. rac eỽ marỽ oll wynt o new+
yn; wynt a keyssassant y gan arthỽr ellygd+
aỽt y gyt ar amỽot hvnn. eỽ hellwng wynt tr+
ach eỽ keỽyn y germany en eỽ llongheỽ. ac ad+
aỽ y arthỽr eỽ heỽr ac eỽ haryant ac eỽ holl
da eythyr e llonghev. Ac y gyt a henny adaỽ
teyrnket pob bllwydyn* ydav o Germany. a|ch+
adarnaỽ henny kan rody gwystlon. Ac|wrth
henny arthỽr a chymyrth eỽ golỽt wynt ac
eỽ gwystlon ac a|e ellynghaỽd y emdeyth. Ac
ỽal ed oedynt e ỽelly en ymchwelỽt adref. ac
en rwygaỽ e moroed edyvar wu ganthỽnt
| « p 147r | p 148r » |