Breudwd Welsh Prose 1300-1425
Cymraeg

Oxford Jesus College MS. 119 (The Book of the Anchorite of Llanddewi Brefi) – page 124r

Pa ddelw y dylai dyn gredu i Dduw

124r

Seithuet. Pechaỽt. Marỽaỽl. yỽ. godineb. Seith yỽ hỽnnỽ gỽeith+
ret kytknaỽt rỽg gỽr a|gỽreic yn ampriaỽt. nev
eỽyllys ar ỽeithredv. nev gỽreic a|dyat. torri priodas.
nev vorỽyndaỽt. treissaỽ gỽreic. pechv yn erbynn
kyỽydyaeth nev greuyd. nev adyn diofuredaỽc.
nev adyn ac vrddev kyssegredic arnaỽ. nev a chref+
ydyn proffessaỽl. nev bechv yn erbyn annyan adyn+
nev. ac annyveil.
YR medyginaethv eneit dyn o|r seith pechaỽt
marỽaỽl. y|rodes duỽ seith rinỽed yn|yr eglỽys.
nyt amgen ynt. Bebyd* escob. A bedyd offeirat yn
gyntaf oll ohonunt. A segyrffyc. Penyt. Anghen.
Vrddev kyssegredic. A phriodas. Sef yỽ rinỽed y|be+
dyd. bot yn vaddeuedic diboen y|dyn y|holl pecho+
dev gỽedy bedyd. A|heb vedyd nyt oes fford. na go+
beith y|dyn caffel gỽaret. na nef. Ac o achos hyn+
ny. duỽ o|e vaỽr drugared a|rodes medyant. A ga+
llv y bop ryỽ dyn y vedydyaỽ rac perigyl aghev.
Eil rinỽed yỽ. bedyd escob. A hỽnnỽ a|rodir y|dyn
yr kadarnnhav y|ffyd. A|e gristonogaeth gantaỽ.
Ac o|rin y bedyd hỽnnỽ. haỽs vyd idaỽ vrthlad y|ky+
threul y|vrthaỽ. Ac ymgadỽ rac pechodev. ~
Trydyd. Rinwed. yỽ segyrffyc. Sef yỽ hỽnnỽ corff crist
yn hollaỽl o eneit. A|chorff. A|dỽyỽolyaeth megys
y|mae yn|y nef. A|hynny oll dan liỽ y|bara ar gỽin.