Oxford Jesus College MS. 119 (The Book of the Anchorite of Llanddewi Brefi) – page 127r
Pwyll y Pader, Hu
127r
Dyro ti yn bara peunydyaỽl. Sef yỽ y|tristit hỽnnỽ.
blinder bryt gyt ac afuleỽenyd callonn. Ac eneit
A hynny a|uyd pann vo bryt ac eneit yn chỽerỽ
heb ỽhennychu da tragyỽydaỽl. yna y|mae reit
yr eneit claf ỽaret. A|e gyỽeiraỽ o vyỽn. vrth hyn+
ny y ryd duỽ yr yspryt kedernyt hỽnnỽ a drycha+
uo yr eneit yny vo kryfuach y|damunho porth
tragyỽydaỽl. Ar yspryt kedernyt hỽnnỽ a enn+
ynn callonn dyn y|chỽennychv y|ỽironed. vrth hy+
ynny y dyỽeit crist yn|yr euegyl. Gỽyn y|byt y|rei
a vyd sychet a neỽyn arnunt o damunhaỽ y|ỽiro+
ned. kannys y|rei hynny a gaffant elchỽyl y ky+
ulaỽnnder o bop melyster nefaỽl. A hynny yn tra+
gyỽydaỽl. Pymhet ỽedi ysyd yn erbyn chỽant
a|chebydyaeth. Sef yỽ honno. Dimitte nobis de+
bita nostra sicut et nos dimittimus debitoribus
nostris. Sef yỽ ystyr y geireu hynny. Madeu di ar+
glỽyd yn pechodeu yni a|ỽnaetham|y|th|erbynn.
megys y madevn nynhev y ereill o|th drugared
dithev yr hỽnn a ỽnaethant yn herbyn nynhev.
Ac yr ỽedi honn y|rodir rat. Ac yspryt. kynghor.
yr hỽnn a|dysc yni trugarhau vrth ereill. yny
obrỽyhom ac y|gobrynhom nynhev caffel tru+
gared gann duỽ. Ac herỽyd hynny y|dyỽeit
iessu grist yn|yr euegyl. Gỽyn eu byt y|rei tru+
| « p 126v | p 127v » |