Oxford Jesus College MS. 119 (The Book of the Anchorite of Llanddewi Brefi) – page 137r
Y Drindod yn un Duw
137r
Ac eissoes ny dyỽat namyn vn geir. Ac ny bu y|tat.
Ar mab eiroet heb garyat ac vnnolyaeth y·rygtunt
a|hỽnnỽ yỽ yr yspryt glan. Velle y|daỽ o|r heul paladr
yr heul. Ac o|r heul ar paladr y|daỽ gỽres. Ac tri
hynny gogyuoet ynt eithyr nat ynt vn anyan di+
ỽahan val y|teir person. Velle heuyt y|daỽ nant o|r ffyn+
nyaỽn. Ac o|r ffynnaỽn ar nant y|daỽ llynn. Ac yr
hynny vn dỽfyr yỽr tri diỽahan eithyr nat ynt o
gygyfuoet. kannys kynt y|byd y|dỽfyr yn|y ffynny+
aỽn. Ac yn|y nant. noc yd a yn llynn. Vrth hynny
nyt oes dim yn|yr holl pechaduryeit kyffelyb na
thebic o gỽbyl yr vn duỽ ar teir personn. Ac eissoes
pỽy|bynnac a|dyallo yn amlỽc yr hynn a|dyỽetpỽyt
am eneit dyn ac am y creaduryeit ereill. haỽs yỽ
idaỽ ỽelet. A chredu py ỽed y|mae y|tat ar mab. Ar
yspryt glan yn teir personn doosparthedic. Ac yn vn
duw.
| « p 136v | p 137v » |