Oxford Jesus College MS. 119 (The Book of the Anchorite of Llanddewi Brefi) – page 143r
Gwlad Ieuan Fendigaid
143r
yachet abersabe y|vrth dauid. Vn ỽeith yn|y dyd y
bỽytteir yn yn llys ni. Ac ef a|vỽytta beunyd ar yn
bort ni dec mil ar|hugeint o|dynyon heb ael ac a|del
o westeion. A rei hynny oll a|gymerant y|cost oc yn
llys ni. ac ar|ueirch ac ar petheu ereill. Y vort honn
a|henyỽ o|r gỽerthuaỽr vaen a|elỽir ysmaradus. A
honno y|mae deu ystyphyỽl yn|y chynnal o ametist.
nerth y|maen hỽnnỽ yỽ ny at neb y|vedỽl tra uo yn
eisted arnnaỽ. Rac bronn amhinogeu yn neuad ni
gyr llaỽ y lle y byd yr oirnestỽyr y|mae discỽylua dir+
uaỽr y|huchet. Ac y|dringir idi drỽy pumb grad ar
hugein a|chant. ar gradeu hynny. rei ohonunt
a|henyỽ o|vein porffiret. gỽedy kymyscu o|ỽaet seirff
ac ireit alabaỽstrum. y|trayan issaf y|rei hynny a he+
nyỽ o|vein cristal. a|iaspis a sardini. a|rann arall
vchaf a henyỽ o ametist ac anbra a iaspis a sar+
donic a phanthera. Y discỽylua honn a|gynnhelir
o vn post. ac ar hỽnnỽ y|byd bas. Sef yỽ hynny
ryỽ ỽeith maen a|elỽir velle. Ac ar y bas hỽnnỽ
dỽy colofyn sef yỽ y|rei hynny breicheu. ac ar y
rei hynny bas. ac ar honno pedeir colofyn. ac el+
chỽyl bas ac ar honno vn vreich ar|bymthec. ac
velle y kerddir ar|y|gỽeith yny delher y|riuedi pedeir
colofyn a|thrugeint. ac odyna y lleiheir rif y basseu.
| « p 142v | p 143v » |