Oxford Jesus College MS. 119 (The Book of the Anchorite of Llanddewi Brefi) – page 15v
Ystoria Lucidar
15v
Na uu herỽyd duỽ. kannys pỽy|bynnac a|or+
chymynnei o|e was wnneuthur y|ryw weith.
ac erchi idaỽ moglyt y|ffos. ac yna tremygv
ohonaỽ yntev gorchymyn y|arglỽyd. a|dygyỽ+
ydaỽ o|e vod yn|y ffos. ac adaỽ y|gỽeith yn an+
norffenn. pony bydei ef gamgylus yna. bydei
o dwy fford. Vn am|dremygv y|arglỽyd. ar llall
am adaỽ y|gweith yn annorffenn. Velle y goruc
adaf tremygv duỽ. Ac adaỽ gweith vfyddaỽt
y|dygwydaỽ yn ffos anghev. Pa|wed y|bu reit
idaỽ ef ymchỽelut. Ef a dylyaỽd talv drache+
uen yr anryded a|duc y gann duỽ. a gwneuthur
Jawn dros y|pechaỽt ry|wnnaeth. kannys ky+
uyaỽn yỽ yr neb a|dycko da arall. y deturyt i+
daỽ dracheuen. a gwnneuthur idaỽ heuyt dros
y sarhaet. Beth a|duc ef y|gann duỽ. Kỽbyl o|r
a|vynnassei y|wnneuthur am|y genedyl ef. ~
Pa|wed y talaỽd ef yr anryded a|duc. Gorchy+
vygv kythreul. megys y gorchyuygaỽd y ky+
threul yntev. a|e dwyn ac ef a|e etiued yr uuch+
ed yn vn funut a|phei trigessynt yn|y hanssaỽd.
Pa wed y|gwnnaeth ef Jawn am wnneuthur
ohonaỽ bechaỽt moe no|r byt. Yntev a|dalaỽd
drostaỽ ef y|duỽ mỽy no|r byt oll. Ny allei ef
wneuthur yr vn o hynny. ac am hynny yd ̷
| « p 15r | p 16r » |