Oxford Jesus College MS. 119 (The Book of the Anchorite of Llanddewi Brefi) – page 60r
Ystoria Lucidar
60r
glỽyd a|e benndicca. Ac ny byd na llauur na do+
lur ar|neb o|hynny allann. Ti am kyfulenn+
ỽeist. i. o|daoed dy synnỽyr ti. Arglỽyd a|dyỽedy
tithev ymi ỽeithon pa|ryỽ gyrff a uyd yr seint.
Gloyỽach vydant seithỽeith no|r heul. Ac ym+
ysgaỽnnach no medỽl o|vuander. Ym pa oet
neu ym pa vessur y bydant ỽy. Ef a dyỽedir.
y|mae yn|yr oet ar amser y kyuodes crist o|vei+
rỽ. eissoes val y|mae digrif yma gỽlet* y|gỽyr
ar gỽraged. Ar dynyon byrryon. A rei hiryon.
Ef a gredir vot yn|digriuach laỽer gỽelet pob
gosgeth ac yn wyr. Ac yn wraged yn|y hoedran
Ac yn|y messur e|hun. megys y|mae digrif gỽa+
ranndaỽ amryuaelon leisseu yn|yr organev
nev yn|y tannev. Ac am hynny mỽyaf y|cre+
dir kyuodi paỽb ac ymdangos yno yn|yr oet
ac yn|y messur y damỽeinaỽd vdunt mynet
odyma. A|e yn noethyon a|e yn wisgaỽc y
bydant ỽy. Noethyon vydant a|disgleiryaỽ a
a*|wnnant o bop tegỽch. Ac ny byd mỽy y|kiỽi+
lyd ỽy o|vn aelaỽt vdunt noc o|e llygeit.
namyn iechyt vyd eu gỽiscoed ỽy. kannys yr
arglỽyd a gud eu kyrff ỽy o|wisc iechyt. A|e he+
inev a uyd o wisc lleỽenyd. A megys yma y
byd amrauael gras yr|blodeu. megys gỽynnder
| « p 59v | p 60v » |