Oxford Jesus College MS. 20 – page 23v
Ymborth yr Enaid
23v
vlodeu rosis neu lilys. neu auallula+
ỽt neu waỽn goruynyd. neu ysgy+
wyll. neu heul splennyd nefaỽl. Megys
ỻoer en* |i* |dyd neu seren y morwyr. neu
venys pan vei dekaf yn y nefaỽl gylch
neu hafoed pann vei egluraf yn tewynn+
uu disgleirloeỽ eglurder am haner dyd
vis meheuin. Ac odyna deu perffeidloyỽ
rudyeu troellyeit ffuonỻiỽ yn disgleiry ̷+
aỽ magys* voredyd haf. neu deu vlode+
uyn o rosys coch neu heul ỽrth vcher
yn mynet yn|y hadef. Ac yn tywyn+
nu ar vynyd o eur perfeithloeỽ. neu
disgleirwyn gloeyỽgoch yn disgleiry+
aỽ drỽy lestyr gỽydryn teneu. Ac uelly
yd oed gloeỽ·goched y deu rvd yn per+
ffeithyaỽ claerwynder y gyssegredic
ỽyneb. A|e glaerwynder ynteu yn
ky·mysgu tegỽch a|r gloeỽ·gochyon
rudyeu. Ac y·gyt yn eglureaỽ disgleir ̷+
der ar y melynllaes amylwallt a
| « p 23r | p 24r » |