Oxford Jesus College MS. 20 – page 27v
Ymborth yr Enaid
27v
wrussyon A|r karueiduab a oed yn kyf+
eisted kadeir aduỽyndec o asgỽrn eliphant
disgleirlathyr ganheitrỽyd yn rỽymedic
o pob mann o wiwyon lafneu rudgoetheur
yn gyflaỽn o pob ryỽ amherodron vein
gỽerthuaỽrussyon. Ac amylder o glusto+
geu pali a rei sidan a rei eurllin y·danaỽ.
Ac yn|y gylch. ac y·dan y draet. Ac yn|y
ỻaỽ deheu idaỽ yd|oed teyrnwialen o eur
mal. Ac is y|laỽ ar ben y wialen maen
carbỽnculus ỻewychloeỽ. ac y ar y laỽ
maen araỻ. Ac o hynny y vyny y wialen
yn teir geing yn ardangos teir person
y drindaỽt o vn kyff vn·dỽywolder
yn llywyaỽ teir bann y vedyssyaỽt nef
a daear ac uffern. A phan wehynei y
serchaỽl vab y yspryt y dỽywaỽlserch
anadyl. ef a gyfodei o·honaỽ o ber aro ̷+
gleu y baỽp yn gymmeint. ac nat oed
neb ryỽ arogleu na rosys na lilys na
neb ryỽ ffrỽyth na neb ryỽ lyssewyn.
| « p 27r | p 28r » |