Oxford Jesus College MS. 20 – page 57v
Saith Doethion Rhufain
57v
tu a|r crocwyd heb hi. Ny|s gỽyr|duỽ
heb ef y|mi nac y|m march allel ym+
deith onyt yn anaỽd rac meint yssyd
o arueu ymdanam. Mi a|e gaỻaf heb
hi. drychaf di ef ar vy ysgỽyd i. A gwe+
dy y gael ar y hysgỽyd hi a gerdaỽd bras+
gameu gỽraỽldrut ac ef yny doeth hyt
y crocwyd. Och heb y marchaỽc pa da
yỽ hynny yd oed dyrnaỽt cledyf ar benn
yr herỽr. Taraỽ ditheu heb hi dyrna+
ỽt ar benn hỽnn. Na|thrawaf ym kyffes
heb ef. ym kyffes heb hi mi a|e trawaf.
A tharaỽ dyrnaỽt maỽr a|e gledyf ar
benn y gỽr. Je heb y marchaỽc pa da o
hynny yd oed yr herỽr yn vantach.
Minneu a wnaf hỽnn yn vantach heb
hi. a chael maen maỽr a drychafel ỻaỽ
arnaỽ yny vyd ỻedyr y weuusseu a|e
danned yn dryỻeu o angerd a chedernyt
y dyrnawt. Je heb y marchaỽc yna
| « p 57r | p 58r » |