Oxford Jesus College MS. 20 – page 69r
Saith Doethion Rhufain
69r
y|r mab a hanner y vrenhinyaeth.
a dydgweith val y bẏd y mab yn
mynet trỽy y dinas. Ef a welei y
vam a|e dat yn ỻetty yn ty vỽrdeis
wedy adaỽ y wlat o eisseu da. A dyuot
y geissyaỽ da hyt yno. Ac yg|kylch
gosper Ef a anuones ysgwier y dy
y bỽrdeis y dywedut idaỽ y bydei y
brenhin ieuank yn kenewi y·gyt ac
ef drannoeth. A|r bỽrdeis yn|ỻawen heb+
yr ef. graessyo a geiff. a goreu a aỻer
idaỽ. a thrannoeth pan vu amser gan
y brenhin ef a deuth y letty y march ̷+
aỽc. A phan deuth. y marchaỽc a gym+
erth lauỽr a chaỽc y gynnic dỽfyr y
ymolchi y|r brenhin ieuangk. Ac
ny|s gadaỽd ynteu. A dywedut dan
awenu yn ỻawen. Arglỽyd dat heb+
yr ef. ỻyma wedy yr dyuot yr hynn
a|dywedeis i ytti. ac yr oed y brein
gynt yn greu ar yr ysgraff pan
| « p 68v | p 69v » |