Oxford Jesus College MS. 57 – page 100
Llyfr Blegywryd
100
nyt amgen. kỽyn. a deissyf. ac atteb. Pỽy byn+
nac a goỻo peth trỽy vraỽt tremyc. ef a|dich+
aỽn rodi gỽystyl yn|y erbyn pan y mynno o
vyỽn un dyd a blỽydyn. Yn|y vlỽydyn gyntaf
y caffo ˄ef iaỽn y gan y brenhin. a|r braỽdỽr a rodes
a rodes yn seuyỻ ỽrth gyfreith trỽy vreint
yr amser hỽnnỽ. Os o vyỽn yr amser hỽnnỽ
yd ymwystla ef yn|erbyn y varn. ef a|dylyir et+
vryt idaỽ y hoỻ goỻet yn|diohir. ac ef a|dyly
kynnal hỽnnỽ yn rỽymedic ỽrth gyfreith yn+
y roder dosparth trỽy lyfreu kyfreith y·rydaỽ
a|r braỽdỽr am y varn tremyc megys y gỽy ̷+
per pỽy a|orffo. neu a|orffer. a|r braỽdỽr a|dyly
eturyt dros y brenhin yr|hynn a uarnassoed
y|r|brenhin o da hỽnnỽ. a|r hynn a uarnasso+
ed y ereiỻ. ỽynt a|dylyant y eturyt heb amgen
boen ony oruyd arnaỽ gỽynaỽ racdunt ual
rac y braỽdỽr. Os y braỽdỽr a|oruyd. atueret
y kỽynaỽdyr y da oỻ idaỽ dracheuyn. Ny
hanyỽ o wassanaeth braỽdỽr rodi barn dre+
myc
| « p 99 | p 101 » |