Oxford Jesus College MS. 57 – page 141
Llyfr Blegywryd
141
irch un rỽym. a deudec|torth o vara bychein
peiỻeit. ac ony byd gỽenith yno. bara rynny+
on vydant y dỽy. a chossyn gyt a|phob daỽn+
bỽyt a wneler o hoỻ laeth y|neb a|e talo y bore
ac echwyd. a breuan emenyn|kyn|dewet a|mot+
ued. a|chyflet a|r dysgyl lettaf yn|y ty. Keinya+
ỽc a|delir y|r|sỽydogyon gyt a|phob daỽn·bỽyt
y gaeaf. a|r gỽannỽyn. Yr haf os yn|aryant y
telir. deunaỽ vyd y tal. a cheinyaỽc y|r sỽydogy+
on. Sef yỽ y rei hynny y|daeretwyr a|e|kynnuỻo.
Val hynn yd amlyckeir dadyl am tir.
Y R haỽlỽr yn|gyntaf bieu dangos y haỽl.
a gỽedy hynny yr amdiffynnỽr y amdif+
fyn. a herỽyd hynny y|dylyant henuryeit gỽ+
lat kyt·ystyryaỽ yn|garedic pỽy ohonunt yssyd
yn|adef gỽir pỽy nyt ydiỽ. A gỽedy darffo y|r
henuryeit racrithyaỽ* eu synnwyr. a|chadarn+
hau y|duỻ trỽy dỽng. yna y dyly y braỽdỽr
mynet ar neiỻtu. a barnu herỽyd yr henurye+
it. a dangos y|r brenhin yr|hynn a uarnont.
| « p 140 | p 142 » |