Oxford Jesus College MS. 57 – page 226
Llyfr Blegywryd
226
dynyon y warandaỽ arnunt.
O |R deruyd y dyn dyuot y warandaỽ
arnunt ỽy. ef a|dyly talu teir|bu cam+
lỽrỽ y|r brenhin. ac o byd y brenhin yn|y ỻe
neu yn|y maes. ef a dyly talu camlỽrỽ deu+
dyblyc am hynny. Ac yna gỽedy eistedont
ỽy. y mae iaỽn y|r offeiryeit gỽediaỽ duỽ y
dangos o duỽ y iaỽn udunt. a|chanu o·nad+
unt eu pader. a|gỽedy y pader y mae iawn y|r
yngnat datcanu y dỽy gynghaỽssed yr eil
weith. ac o deruyd bot yn reit udunt ỽrth
eir kyfarch. goỻynger deu onadunt y ovyn.
ac o|r byd reit y|r bleit y gouynner y geir
kyuarch idi ỽrth gymryt kyngor. aent ỽy
gan gennat yr yngneit y|eu|kyngor. ac y+
sef yd ant y|niuer y buant yn|y gynghaỽssed
heb a vo mỽy. a gỽas y gan yr arglỽyd y eu
cadỽ rac dyuot neb y eu kynghori y·gyt ac ỽy.
ac o|daỽ neb attunt a|e kynghoro. talet ef gam+
lỽrỽ y|r brenhin a|bit annolo y kyngor. A|gỽ ̷+
edy darffo y kyngor. deuent y deu hynny.
| « p 225 | p 227 » |