Oxford Jesus College MS. 57 – page 231
Llyfr Blegywryd
231
ot amheuir ỽynt. iaỽn yỽ eu creiryaỽ. a|r neb
a gilyo y wybydyeit o·nadunt y ỽrth y ỻỽ coỻet
y tir. O|r seif y keitweit o|r dỽybleit. hehedet* yỽ.
a|r|ỻe. y bo hehedet* deu hanner vyd ket. barner
idaỽ dyuot y|r|tir. ny chychỽyn y gỽr a|oed yn|y
vlaen y gỽr a|oed yn|y vlaen gynt yrdaỽ o|di+
chaỽn caffel tu a|thal idaỽ yn|yr un|ỻe. ac yn
gystal y deudir ỽrth na|byrir ef odyna. ac na
dylyir talu tir amreinyaỽl yn ỻe tir a|breint
ohonaỽ. megys kyngheỻoryaeth neu vaero+
ni. neu rydit. Ac yna y mae iaỽn y|r yngneit
dyuot drachevyn y|ỽ braỽtle. ac yna y mae ia+
ỽn udunt. kymryt kedernyt ar vot ỽrth y
vraỽt. a chymryt mach ar y gobyr. ac yna y
mae iaỽn y|r yngneit datkanu y dỽy gyngha+
ỽssed. a gỽedy hynny datcanu y vraỽt. Ac y+
na y brenhin a|dyly rydhau y gỽystlon o|r car+
char. Messur gobyr yr yngneit am tir a|daear
pedeir ar|hugeint a·ryant. ac o hynny rann
deuwr y|r yngnat ỻys. ac ny dyly mỽy nac
ef a|vo yn|y ỻe nac ef ny bo. O deruyd y ampri+
| « p 230 | p 232 » |