NLW MS. Llanstephan 27 (The Red Book of Talgarth) – page 124r
Efengyl Nicodemus
124r
adefedic idaỽ ynteu. a|gỽneỽch benyt. ac ynteu a|drugarhaa.
Tangnefed yỽch y|gan yr arglỽyd hỽnnỽ iessu grist. an hya+
chaaỽr ninneu amen. A|gỽedy cỽplau o bop vn ohonunt y
rol yn ysgriuennedic. y kyfodassant ac y rodassant barinus
y rol a ysgriuennassei yn ỻaỽ annas a chaiphas. ac a·mali+
el. Ac ynteu leỽnciỽs a rodes y rol a ysgriuennassei yn llaỽ
nichodemus a Josep. Ac yn deissyfyt nachaf yn eu symudaỽ
yn ganete*. ac ny welet o hynny aỻan. Ac vn agỽed hagen
y kaffat eu hysgriuenneu ỽy. heb un lythyren vỽy heb un
lei. a|ỻyna ymadrodyon ryued barnn a|leỽnei. Pan gigleu
kynnuỻeitua yr idewon hynny. y dywedassant paỽb o·nad+
unt ỽrth y gilyd. Gwae ni heb ỽynt y gan yr arglỽyd y gỽ+
naethpỽyt y petheu hyn oỻ o|e achaỽs. A bendigedic vo yr
arglỽyd yn oes oessoed. aMEN. A|phaỽp o·nadunt a|ae+
thant yn ovalus ofnaỽc o|r sẏnagoga parth a|e kartrefoed.
A|phop peth o|r a dywetpỽyt yn|y sẏnagoga ual y clywei Jo+
seph a nichodemus a uanagassant ỽynteu y|r raclaỽ. A|r
raclaỽ ynteu a ysgriuennaỽd pob peth o|r a dywedassant
yr Jdewon a|wnaethant o Jessu ac a|e|rodes yn honneit yn
ỻyfreu kyhoedaỽc y dadleu ef. Ac odyna yd ysgriuenaỽd
pilatus yr ebostol honno att glaỽdius amheraỽdyr hyt
yn ruuein yn|y mod hỽnn. ~ ~ ~
P Jlatus o ynys pont yn anuon annerch y glaỽdius
vrenhin. Y diwed hỽnn a damchweinyaỽd ac yssyd
brouedic gennyf|i ry annoc o|r Jdewon trỽy gynghoruynt
poeni Jessu o greulaỽn angeu. o|r hỽnn yd oed a·dawedic
y eu tadeu ỽy yd anuonei duỽ o|r nef udunt o|e obryn
| « p 123v | p 124v » |