NLW MS. Llanstephan 27 (The Red Book of Talgarth) – page 173v
Gwyrtheu Mair
173v
A phan|weles mam y mab hynny o|e garyat ymlenwi a
oruc o dristit a|dryc·yr·verth a|ỻefein. ac ỽrth hynny dyuot
y bobyl a|r braỽdỽr. a mynet yn waethaf yn|y byt ar+
nunt gỽneuthur gỽeithret mor dybryt a hỽnnỽ. ac erchi
a|oruc y bobyl o nerth eu penn tynnu corff y mab ỻosc+
edic o|r fỽrn. ac yna y gỽelet peth enryued a gỽyrtheu
maỽr. y mab yn eisted yn ỻawen or·awenus. ac yn|dryth+
yỻ hoỻ·iach y|nghymherued y flameu. ac yn gỽare a
blaen y fflam. en·ryuedu a|oruc paỽb hynny. ac ual y tyn+
nỽyt o·dyno adolỽyn y|r mab datkanu y gyfrangk a|r en+
ryuedaỽt. ac ynteu a|e datkanaỽd ual hynn. Pan yttoed+
ỽn i heb ef gỽedy vy|mỽrỽ ym perued y tan o ynuytrỽ+
yd vyn tat. ar hynny nachaf yn|dyuot attaf y wreic a
welsỽn yn eglỽys y cristonogyon yn|eisted ar yr aỻaỽr. ac
yn estynnu y minneu o|r kymun. A gỽedy bỽrỽ y ỻaỽes
drossof y|m differth yn|diannot rac gỽres y flammeu a|r
tan. Ac ỽrth hynny bit ednebydedic y baỽp o·honaỽch chỽi
bot y wreic honno yn wreic da. ac yn gyflaỽn o druga+
red. A|gỽed* daruot y|r mab ymadraỽd ac ỽynt. a phaỽp
o·nadunt yn kanmaỽl y wynuydedic veir. uam grist.
Ac ymgeryd a|oruc paỽp o·honunt a|e gilid. ac y bu
varnadỽy gan baỽp bỽrỽ y tat y|myỽn y|r vn fỽrn y
losgi yn|y ỻe y bỽryaỽd ynteu y mab. Ac yna y bedydy+
wyt y mab yn iaỽn a|r tylỽyth. a hoỻ idewon y dinas hae+
ach a ymchoelasant ar fyd gatholic. ac ar uolyant crist.
ac ỽrth hynny gỽediỽn ninneu y waredockaf arglỽydes
ual y rydhaaỽd hi y|dywededic uab o ennynua y|fỽrn. yny
| « p 173r | p 174r » |