NLW MS. Llanstephan 27 (The Red Book of Talgarth) – page 178v
Gwyrtheu Mair
178v
vrodyr aỻan o|r uanachlaỽc. ac nyt heb achaỽs. ac nachaf
leidyr yn kyfaruot ac ef. ac yn|y ỻe yn dygỽydaỽ y draet yr
abat. a dechreu y dynghedu yn enỽ duỽ yny gedymdeith+
ockaei ef yn riuedi y vrodyr. a chanyt atwaenat yr abat
beth a archei ar hynt. ny|s cadhadaỽd idaỽ. namyn gouyn
y ereiỻ beth oed y ansaỽd a|e vuched. a phaỽp o|r a|e hatwae+
nat ynteu a|gadarnheynt panyỽ y ỻeidyr enwiraf a gỽae+
thaf oed ef. A phan gigleu gỽas duỽ hynny y gynghori a|oruc
y weỻau y vuched yn|gyntaf yn|y byt. ac ymbrofi e|hun
kynn keissei y ryỽ·beth hynny. neu geissaỽ o·honaỽ yn+
teu creuyd a vei ysgaỽnach. a|dywedut idaỽ bot yn ormod
gorthrymder urdas clỽni. ỻyma ninneu heb y ỻeidy* yn
mynet y|nghyfyrgoỻ. ac ef a|ovyn duỽ y|ttitheu vy eneit i
dydbraỽt. Ac ỽrth hynny ovynhau a|oruc yr abat a|e gedym+
deithockau y·gyt a|e vrodyr y eneit a|e gorf a rodi abit idaỽ.
Sef a|wnaei y conuers gỽynuydedic hỽnn. yn|wir o|e enỽ
a|e weithret a ỻauuryaỽ o|r neiỻ laỽ y|r ỻaỻ. Ac ym|plith petheu
ereiỻ o adurn y nerthoed. enrydedu y wynuydedic ueir o|bop
kyfryỽ enryded ac ufuddaỽt a|wnaei. hyt na|diffygyei vyth y
chof hi y ganthaỽ ef. yr hynn a vu amlỽc yn|y diwed ef. ka ̷+
nys pan doeth yn|y wander ỽrth y diwed. a|dyuot y abat y
gynnic ỻe y gyffes idaỽ hyt nat adaỽei dim heb gyffessu.
kanyt oes le trugared heb gyffes. Duỽ a|wyr heb ef na|ỽnn
i vy mot yn gyfrin a|phechaỽt o|r byt yr pan gymereis yr
abit hỽnn. dieithyr rodi vym|peis y anghenaỽc noeth heb wy+
bot a heb gennat. a dỽyn tennyn kywarch raff cloch heb
wybot. a phan ovynnaỽd yr abat idaỽ beth a|wnathoed a|r
| « p 178r | p 179r » |